Apr 11, 2024
Повеќето од нас дознавме за раперката Ајс Спајс откако Дрејк ја извлече од анонимност со дис на неговиот албум од 2022, Her Loss: “She a ten tryna rap, it’s good on mute, yeah.” (Таа е десетка покушава да рапува/добро е со исклучен звук).
Од тогаш до сега доста работи се сменија, а колку многу покажива следната вест: таа наскоро ќе го направи своето актерско деби и тоа ни помалку ни повеќе туку наспроти - Дензел Вашингтон во претстојниот филм на Спајк Ли. Според „Variety“, Ајс Спајс веќе започнала со снимање на своите сцени за филмот, чии детали за улогата засега се чуваат во тајност. Филмот, наречен „Високо и Ниско“, претставува преработка и реинтерпретација на криминалната драма на Акира Куросава со истото име од 1963 година.
Оригиналниот филм се базира на романот „King’s Ransom“ на Ед Мекбејн и во него главната улога ја толкува Тоширо Мифуне како богат човек кој мора да плати откуп за синот на својот вработен, кој бил киднапиран.
Во преработката на „Високо и Ниско“, што ќе се прикажува во кино салите, пред да се префрли на стриминг платоформа- на Apple TV+, датумите за кинематографската премиера и за стриминг сервисот сè уште не се објавени.
Верзијата на филмот „Високо и Ниско“ на Спајк Ли ќе биде неговата петта соработка со Дензел Вашингтон. Нивната претходна работа заедно ја вклучува „Mo’ Better Blues“ од 1990 година, „Malcom X“ од 1992 година, „He Got Game“ од 1998 година и „Inside Man“ од 2006 година.
Ајс Спајс е американска раперка од Бронкс, Њујорк, која стана позната со својот хит сингл „Munch (Feelin’ U)“ кој го освои интернетот и стриминг платформите во 2022 година. Нејзиниот брз успех и уникатен стил бргу ја натераа да стане едно од најистакнатите нови имиња на музичката сцена.
Спајк Ли е истакнат американски режисер, продуцент, сценарист и актер, познат по своето ангажирано филмско творештво во кој често се фокусира на расни и социјални прашања. Некои од неговите најпознати филмови вклучуваат „Do the Right Thing“ (1989) и „BlacKkKlansman“ (2018), за кој доби Оскар за најдобар адаптиран сценарио. Спајк Ли е еден од највлијателните афроамерикански филмски создавачи и чест соработник со актерот Дензел Вашингтон.