Реакциите непосредно против укинувањето на правото за абортус

Иако беше најавувано со месеци, и извесно, сепак Американците останаа затечени од регресијата на цивилните права за кои констатно се борат минативе 70 години. Вестите стигнаа за време на викендот кога одеа БЕТ наградите во Лос Ангелес и Гластонбери фестивалот во Велика Британија, па сите имаа понешто да кажат. Лизо вети пола милион долари за Планирано родителство, а Тараџи Пи Хенсон ги отвори БЕТ жестоко со „Оружје има повеќе права од жените!“ ... Џанел Моне не остана пократка и му го „даде“ средниот прст на Врховниот суд, а Џазмин Суливан се обрати на момците да бидат инвестирани во оваа борба која е заедничка. Откако помина првичниот шок, дискусиите се во насока на страв, дека ситуацијата наликува на сценариото на Приказната на слугинката, и дека следни се останатите форми на контрацепција, истополовите бракови, транс правата, интеррасните бракови... А ние надвор од САД набљудуваме, во запрепастеност со прашање: колку е таквата ситуација далеку од нас, и спознанието дека човештвото не се движи во нагорна линија, туку хаотично. Или: три чекори напред, два назад.