Herlinde Koelbl: Angela Merkel - Тaschen

Кога Коелбл почнала да ја фотографира Ангела Меркел, таа била млада, срамежлива министерка (за жени и млади) во владата на Хелмут Кол, за книгата „Траги на моќ„. Херлинде почнала да фотографира петнаесет политичари на високи позиции во 1991 година, во период од седум години, а за цел имала да претстави какво влијание има моќта на субјектите низ времето. Сме виделе портрети од овој тип на војници пред и после војна, симпатични онлајн „експерименти„ на промена на луѓето кога ќе слушнат нешто убаво за себе, но овој проект е од поинаков калибар. Политичарите ги сликала пред бел ѕид до црна столица, и не давала дирекции освен да погледнат отворено кон камерата.


Откако Меркел станала канцеларка во 2005 година, Херлинде и Меркел ја обновиле соработката. Меркел, која како физичар била катапултирана на политичката сцена, како една од најмоќните политичари (а во времето на Трамп нарекувана

"лидер на слободниот свет" титула резервирана за американските претседатели) од една страна не ги сакала камерите, а од друга пак, не била оптеретена дека следниот ден сликите ќе излезат по медиумите, ни дава интимен поглед на својата еволуција од чудно но - кревка жена, во самоуверена и релаксирана, зрела жена.