Џулија Фокс (Julia Fox) е име кое не ни значи ништо, а кога ги видовме сликите - ниту пак ликот. Дознавме дека е глумица, но ете, никогаш не сме налетале на неа. До сега. Нѝ даваше Меган Меркел, енергија, додека не го видовме написов во Interview магазинот насловен како „Date night", илустриран со над десетина интимни фотографии. Овој потег ќе испровоцира една од две реакции кај Кање и неговиот камп - или воодушевување, или шок и неверица. Еве што напиша Џулија, за вториот состанок со Кање. „Го сретнав Је во Мајами за Нова година и тоа беше инстант конекција. Неговата енергија е толку многу забавна да се посведочи од блиску. Мене и моите пријатели нè смееше, поради него бевме насмеани и танцувавме цела вечер. Решивме да продолжиме да ја оддржуваме оваа енергија, и да отидеме во Њу Јорк за да ја видиме претставата Slave Play (Робова игра). Летот на Је се приземји во шест, а претставата беше во седум, и тој беше таму НА ВРЕМЕ. Бев импресионирана. После претставата решивме да одиме на вечера во Carbone кој е еден од моите омилени ресторани. Очигледно. Во ресторанот, Је изрежира цела една фотосесија за мене додека луѓето вечераа! Целиот ресторан уживаше и навиваше додека се одвиваше. По вечерата, Је имаше изненадување за мене. Мислам, уште сум во шок. Је имаше цел хотелски апартман полн со облека. Тоа беше сон на секоја девојка. Го доживеав како вистински "Пепелашка момент". Уште не знам како успеа да го изведе тоа, или како успеа да го донесе на време. Но бев толку многу изненадена. Мислам, кој прави ваков тип на работи на вториот дејт? Или било кој дејт! Сè со нас беше толку органско. Не знам во која насока оди ситуацијава, но доколку ова е некаква индикација за иднината, го сакам патувањево. „ p.s. И додека сите сме преокупирани со новата романтична ситуација на Кање, тој веќе се врати во Мајами, и имаше уште еден интересен, ако не и поинтересен состанок со Џеред Кушнер (Jared Kushner), зетот на Доналд Трамп (Donald Trump). Не е некаква тајна дека отворената љубов на Је кон поранешниот претседател, и инсистирањето да го носи црвеното МАГА капче зададе голем удар во бракот со Ким. По сопствено признание, црвеното капче го направи не само него и Ким, туку и нивните деца мета на суперлибералниот Холивуд од кој што го „вадат лебот„. Ако се обидува на овој начин да ѝ го сврти вниманието на Ким...

независна релевантна култура

независна релевантна култура There’s Nothing Here... We can’t find the page you’re looking for. Check the URL, or head back home. Go Home

📅 9 септември (вторник) 🕐 11:00 часот 👤 Промотор: Велко Неделковски Во градот ни пристигнува уште една културна вечер посветена на книжевноста за најмладите. Промоцијата на книгата „Дневна среде шума“ од авторката Виолета А. Наумовска претставува своеобразно заокружување на едицијата „Шумски приказни“, циклус кој низ повеќе изданија ја гради визијата за Природата како заеднички дом на сите. Приказна што носи порака Низ интересни случки и топло раскажани ситуации, книгата ја пренесува главната порака: „Природата е нашиот заеднички дом“. Таа повикува на градење заедништво преку одговорност и доверба, како и на почитување на секое живо суштество. Особен акцент има и интерактивниот дел, вграден во книгата, кој го поттикнува детското љубопитство, раскажувањето и правилното изразување. Со тоа, книгата не е само приказна за читање, туку и практична алатка за учење и комуникација. Авторка со долгогодишна посветеност Виолета А. Наумовска е родена и живее во Скопје, а нејзината професионална кариера е тесно поврзана со образованието. Била средношколски професор, универзитетски професор, како и директор и раководител во јавни образовни институции. Нејзиното творештво за деца и тинејџери е богато и разновидно – вклучува 17 наслови во неколку едиции: Облачиња, Шумски приказни, Чудесни приказни, како и романот „Огне и време за желби“. Со „Дневна среде шума“ таа ја заокружува една значајна приказна во своето творештво – онаа која ги охрабрува децата да гледаат на Природата како на простор на заедништво и грижа.

Финалниот избор на регионалната книжевна награда „Штефица Цвек“ ќе биде објавен вечерва во Подгорица. Вечерва, на 3 октомври 2025 година, со почеток во 20 часот, во просторот Сопствена соба (Бокешка 20) во Подгорица, ќе биде објавен финалниот избор на регионалната книжевна награда „Штефица Цвек“. Настанот е дел од програмата на Неделата на гордоста во Црна Гора и ќе биде проследен со разговор со организаторките и дел од жири-комисијата. Во поширокиот избор за годинашното издание се најдоа 22 дела, а публиката ќе дознае кои од нив влегуваат во финалниот круг. За оние кои нема да присуствуваат во живо, организаторките обезбедија пренос преку YouTube каналот на „Побунети читателки“. Историја и значење на „Штефица Цвек“ Книжевниот избор „Штефица Цвек“ е именуван по култниот роман „Штефица Цвек во канџите на животот“ (1981) на Дубравка Угрешиќ, едно од најважните и најсмели книжевни дела од југословенскиот период. Со ироничен и духовит тон, Угрешиќ ја отвори темата на женските животи, емоции и социјални притисоци во време кога ваквите перспективи ретко беа признати како сериозна литература. Изборот го презема ова име токму за да се истакне континуитетот на женското писмо, на критичките и бунтовни книжевни гласови во регионот, и како симбол на отпор кон патријархалните и канонските ограничувања во литературата. Зад иницијативата стои колективот „Побунети читателки“, кој низ години ја гради својата заедница преку номинации, читања и разговори за современата книжевна продукција. Финалниот избор за „Штефица Цвек“ ќе биде објавен вечерва, а по завршувањето на настанот јавноста ќе може да го проследи и разговорот со дел од селекторките и писателките. 👉 Пренос во живо ќе биде достапен преку YouTube линкот на Побунети читателки.

независна релевантна култура

независна релевантна култура

Настани деновиве низ град: од Скопје, Битола, Охрид, Кичево, Струмица па до Лондон и Њујорк. Дива ве води на настаните кои мислиме дека мора да ги посетите. Од концерти фестивали и изложби, до саеми, кулинарски настани театарски претстави и јога - настани без престан концерт, КИЦ, Триото Николај/Руфинг/Татароглу 14.11.24 г., 18:00 Триото користи светилници како симболи за комуникација, истражувајќи како тие можат да обогатат комуникацијата помеѓу импровизаторите и да помогнат во создавањето на нови макроструктури во музичкиот наратив. Во вечерните часови на 12-ти февруари 2024, салонот 19:19 ќе биде домаќин на уникатен музички настан. Триото Николај/Руфинг/Татароглу, составено од уметници од Базел, Швајцарија, ќе ги презентира своите два најнови проекти: Leuchtfeuer и Sankyoku. Триото, формирано за време на пандемијата во 2020 година, е познато по својата работа во областа на слободна импровизација и експериментална музика. Нивните изведби се карактеризираат со постојано истражување на границите помеѓу отворена композиција и концептуална импровизација. Leuchtfeuer е концептуално дело во кое неидиоматска импровизација е структурирана преку надворешни извори. Триото користи светилници како симболи за комуникација, истражувајќи како тие можат да обогатат комуникацијата помеѓу импровизаторите и да помогнат во создавањето на нови макроструктури во музичкиот наратив. Sankyoku, од друга страна, е вдихновен од традиционална јапонска камерна музика, комбинирајќи идиоматски гести од исток со современи-експериментални звуци од запад. Оваа мешавина на култури и звуци создава уникатен и пленлив звучен свет. Триото Николај/Руфинг/Татароглу е составено од Џанкарло Николај (електричен укулеле, предмети, ефекти), Ерик Руфинг (аналоген синтисајзер, траки/ленти, теренски снимки) и Тасос Татароглу (микротон-дуплекс труба, шакухачи, електроника). Leuchtfeuer е концептуално дело каде што неидиоматската импровизација е структурирана преку надворешни извори. Светилникот, со векови симбол на важноста на комуникацијата, се бара да исполнат слична функција во нов контекст: да ја збогатат комуникацијата меѓу импровизаторите и да помогнат да се создадат нови макроструктури во музичкиот наратив. Светлечките обрасци од 6 светилници од Средоземното и Балтичкото Море беа анализирани и трансформирани во звучни мотиви од страна на триото. Секој мотив заедно со теренските снимки направени на бродови во Северното Море од Ерик Рафинг се дел од траката. Сигналите на светилникот се шифрирани сигнали, што значи дека тие можат да се видат од голема далечина со бродови и да се идентификуваат како маркери за локација, затоа секој светилник испраќа уникатен сигнал, сличен на Морзеовиот код што мо же да го толкуваат морнарите. Во Leuchtfeuer се користат сигнали од светилници кои трепкаат, кои имаат периодичен сигнал со должина од 3 до 30 секунди и однапред одреден број на трепкања во одредени времиња. Терминот Sankyoku се однесува на традиционална форма на јапонска камерна музика од крајот на 17 век и значи нешто како „музика за тројца“. Бамбусовата флејта Шакухачи, со својот (далечноисточен) идиоматски гест, се спојува со (западните) современи-експериментални звуци или е во контраст со нив. Звучните фрагменти од традицијата на Хонкиоку и импровизираните секвенци на шакухачи се среќаваат со импровизациски електричен укулеле и електронски апстрактен звучен свет. Формата, временската скала и експресивната густина на заедничката импровизација се структурирани од централниот принцип на јапонската традиционална музика и општите уметности, јо-ха-кју, што се рефлектира и во церемонијата на цвеќе и чај. Не пропуштајте ја можноста да бидете дел од ова уникатно музичко патување. следно

независна релевантна култура

независна релевантна култура

независна релевантна култура

независна релевантна култура