независна релевантна култура

независна релевантна култура

независна релевантна култура

Денес, 24-ти јуни, во 19:00 часот во Скопје ќе се одвива „Парадата на гордоста: Гласни и горди“ во организација на „Националната мрежа против хомофобија и трансфобија“. „Скопје Прајд 2023 ќе се одржи на 24 јуни, сабота. Парадата на гордоста во Скопје ќе започне со пристигнување на учесниците од 17:00 часот во паркот „Жена-борец“ (спроти Собрание на Република Северна Македонија). Во 19:00 часот, по кратки поздравни говори, следува марш по скопските улици пропратен со DJ сетови. Скопје Прајд, како и изминатите години, ќе понуди богата културно-забавна програма, со музички настапи во живо, настапи на дрег кралици од земјата и од регионот и DJ сетови. Програмата на Стадионот на АРМ во Градски парк ќе почне во 20:30 и ќе трае до 01:00 часот.“ Иако овој настан нема голема историја во Скопје, сепак ситуацијата е одамна зрела за да земе облик на парада на гордоста. Активистите и членовите на оваа заедница беа принудени да присуствуваат на паради во други градови, како на Балканот(Истанбул, Загреб, Солун, Будва…) така и низ Европа за да го афримираат сопствениот идентитет. Манифестации на и за ЛГБТИК-лицата се одржуваат во многу градови низ светот со цел да го покажат своето постоење, да бараат еднакви права и да се борат против дискриминацијата и насилството. Почетокот на Прајд движењето Парадите на гордоста имаат долга историја која започнува во 1969 година во Њујорк, кога ЛГБТ-лицата се спротивставија на полициската репресија во барот „Стоунвол“. Ова беше првиот случај кога хомосексуалците и трансродовите лица се организираа и се здружија со други социјални движења за да го бранат своето достоинство и слобода. Од тогаш, секоја година на 28 јуни се одбележува Меѓународниот ден на гордоста на ЛГБТ-лицата. Значењето на зборот Прајд Прајд е зборот што се користи за да ги опише овие манифестации, кои имаат и забавен и политички карактер. Прајд значи гордост, но не во смисла на надмоќ или надменост, туку во смисла на самопочит и самосвест. Прајд значи да не се срамиш или да се криеш, но и одбивање да се прифати вообичаениот третман - како помалку вредни или опасни, или да се живее во страв или лага. Прајд значи исто така да се увиди дека не си сам/сама, туку дел од една разнолика и богата заедница која има својата култура, историја и идентитет. Прајд значи да го славиш различното, да го почитуваш разнобојното, да го поддржуваш разновидното. Прајд значи и да бидеш политички активен/активна, да бараш правда и рамноправност за себе и за другите. Прајд значи да не молчиш пред неправдата, да не ја игнорираш реалноста, да не ја забораваш борбата. Прајд значи да имаш глас и да го користиш. Состојбата со Прајд во Македонија Во Македонија, парадите на гордоста почнаа да се одржуваат од 2019 година. Ова е голем чекор напред за ЛГБТИК-заедницата овде, која се соочува со многу предизвици и пречки. Во Македонија, ЛГБТ-лицата се изложени на дискриминација, насилство, хомофобија и трансфобија од страна на дел од институциите, медиумите, црквата и општеството. Во Македонија, ЛГБТ-лицата немаат право на брак или партнерство, немаат право на родов идентитет или израз, немаат право на репродуктивно здравје или посвојување. Затоа, парадите на гордоста во Македонија се не само потребни, туку и неопходни. Тие се начин да се покаже дека ЛГБТИК-лицата постојат и дека не сакаат да живеат во страв или скриеност. Тие се начин да се бараат еднакви права и социјално прифаќање за сите луѓе, без разлика на нивната сексуална ориентација или родов идентитет. Тие се начин да се слави различноста и да се поддржи солидарноста.

независна релевантна култура

независна релевантна култура

Судот во Менхетен го осуди музичкиот магнат Шон „Паф Деди“ Комбс на четири години и два месеци затвор, поради два случаја на превоз на лица со цел на проституција. Со оваа пресуда завршува еден од најпознатите случаи во американската поп-култура последниве години , процес кој ја отвори темата за злоупотребата на моќта и култот кон славата во музичката индустрија. Комбс беше ослободен од потешките обвиненија за трафикирање лица и криминално здружување, но прогласен виновен за „transportation for prostitution“, дело што носи максимална казна до десет години. Судот одмери 50 месеци затвор, финансиска казна од 500.000 долари и пет години условен надзор по отслужувањето на казната. Времето кое тој веќе го помина во притвор (околу 13 месеци) ќе биде пресметано во вкупната казна. Во своето обраќање пред судот, Комбс со солзи изјави дека „се срами од дел од своето минато“ и дека сака да стане „човек достоен за простување“. Судијата, сепак, оцени дека казната мора да биде „јасна порака дека славата не штити од одговорност“. Случајот против Паф Деди започна во 2024 година, по серија сведоштва и тужби кои открија систематски злоупотреби и „жестоки“ приватни забави, документирани во видеа и пораки. Судскиот процес го следеа голем број јавни личности, а медиумите го означија како момент на пресврт за пост-MeToo ерата во хип-хоп културата.

Сахин Лесно Перо, Апачи активистка и актерка , која одби да ја прифати наградата за најдобар актер во име на Марлон Брандо на Оскарите во 1973 година, кога беше исвиркана на сцената во чин што ја нагласи нејзината критика за прикажувањето на домородните Американци во Холивуд. Кога режисерот ги забележал белешките кои ги држела и́ кажал доколку зборува повеќе од 60 секунди ќе биде уапсена. 50 години подоцна Оскарите и́ се извинија за третманот. Од Марлон Брандо; 30 Март, 1973, Беверли Хилс, Калифорнија - Цели 200 години му велевме на Индијанскиот народ кој се бореше за својата земја, својот живот, своите семејства и своето право да бидат слободни: „Положете ги оружјата, мои пријатели, и тогаш ќе останеме заедно. Само доколку ги положите оружјата, мои пријатели, ние ќе можеме да зборуваме за мир и да дојдеме до договор кој ќе биде добар за вас“. Кога ги положија оружјата, ние ги убивме. Ние ги излажавме. Ние им ги ги земавме земјите преку измама. Ние ги изгладнувавме додека не ги потпишаа измамничките договори кои ние ги нарековме спогодби кои никогаш не ги испочитувавме. Ги претворивме во питачи на континент кој даваше живот, онолку долго, колку што може животот да памти. И според било која интерпретација на историјата, колку и да е извртена, ние не постапивме правилно. Ние не бевме ниту законски ниту правични во нашите постапки. За нив, ние не мораме одново да ги враќаме овие луѓе, не мора да испочитуваме некои договори, затоа што ни е дадено врз основа на нашата моќ да ги нападнеме правата на другите, да им го одземеме имотот, да им ги одземеме животите. кога се обидуваат да ја одбранат својата земја и слобода, и нивната доблесност да ја преиначиме во злосторство, а нашите сопствени пороци во- доблести. Но тука е онаа работа која е надвор од дофат на оваа перверзија а тоа е огромната пресуда на историјата. И историјата со сигурност ќе ни суди. Но, дали ни е грижа? Каква морална шизофренија е тоа што ни овозможува да викнеме со целиот наш национален глас за целиот свет да слушне дека живееме во согласност со нашата посветеност, кога секоја страница од историјата, и кога сите жедни, гладни, понижувачки денови и ноќи последниве сто години од животите на американскиот Индијанец противречат на тој глас? Се чини дека почитувањето на принципот и љубовта кон ближниот станаа нефункционални во оваа наша земја, и дека сè што направивме, се што успеавме да постигнеме со нашата моќ е едноставно ништење на надежите на новородените земји во овој свет, како и пријателите и непријателите, дека не сме човечни и дека не ги исполнуваме нашите договори. Можеби во овој момент си велите, кој ѓавол има сето ова има некаква врска со Оскарите? Зошто оваа жена стои овде, ни ја уништува вечерта, ги напаѓа нашите животи со работи што не нè засегаат и за кои не ни е гајле? Ни трошат време и пари и упаѓаат во нашите домови. Мислам дека одговорот на тие неизречени прашања е дека филмската заедница е исто толку одговорна за понижување на Индијанецот и исмејување на неговиот лик, опишувајќи го како див, непријателски настроен и злобен. Доволно е тешко за децата да растат на овој свет. Кога индијанските деца гледаат телевизија, и тие гледаат филмови, и кога ќе ја видат нивната раса прикажана како што се во филмовите, нивните умови се повредени на начини што никогаш не можеме да ги знаеме. Неодамна имаше неколку ненадејни чекори за да се поправи оваа ситуација, но премногу колебни и премалку, така што јас како член на оваа професија не чувствувам дека можам како граѓанин на САД да ја прифатам оваа награда овде вечерва. Мислам дека наградите во оваа земја во овој момент се несоодветни да се примаат или да се доделуваат додека состојбата на американскиот Индијанец драстично не се промени. Ако не сме чувар на нашиот брат, барем да не бидеме неговиот џелат. Ќе бев овде вечерва директно да зборувам со вас, но чувствував дека можеби би можел да бидам покорисен доколку отидам во Рането колено за да помогнам на кој било начин да се спречи воспоставувањето мир кој би бил нечесен сè додека ќе течат реки и ќе расте тревата. Се надевам дека оние што слушаат нема да гледаат на ова како груб упад, туку како искрен напор да се фокусира вниманието на прашање кое многу добро би можело да определи дали оваа земја има или не право да каже од оваа точка наваму, ние веруваме во неотуѓивите права на сите луѓе да останат слободни и независни на земји што го поддржувале нивниот живот и надвор од живото сеќавање. Ви благодариме за вашата добрина и вашата учтивост кон Госпоѓица Лесно Перо. Ви благодарам и добра ноќ.

независна релевантна култура

независна релевантна култура

независна релевантна култура

независна релевантна култура