независна релевантна култура

Издавачката куќа „Мртов Коњ“ повторно го крева темпото со „Антивикенд програма“ од 8 до 12 септември. Во пет дена ќе се одржат осум концерти, една радио-сесија и работилница, со учесници од Македонија и гости од Хрватска, Америка, Италија и Виетнам. Почеток со Стражар на 103 На 8 септември, Стражар (Мартин Џорлев) ќе настапи со целовечерен концерт на Канал 103 во чест на Денот на независноста. Настанот стартува во 20:00 часот и ветува сиров и жесток поход. Хрватско-македонски судир во Паб Ѕе На 9 септември, од 21:00, во Паб Ѕе настапува хрватското гараж-панк трио Dad Joke, заедно со локалната поддршка од Кајзер Созе. Линк од настанот Sound Escapes во Буква На 10 септември, во Буква од 19:00, публиката ќе има можност да се запознае со теремин преку работилница и концерт во рамки на „Sound Escapes“. Ќе настапат Александар Ордев и Improof. Линк од настанот Тамшамагандаз во МКЦ На 11 септември, Тамшамагандаз (Јордан Костов, Там Пхам, Никола Коџабашија, Ник Де Карло, Марко Печеновиќ и Александар Галевски) ќе настапат во Кино Фросина (МКЦ). Настан што ветува воинствена и експериментална енергија. Линк од настанот 🎟️ Билети: mktickets.mk Големото финале со Passepartuot Duo и Алембик На 12 септември, во КИЦ, на програмата е највозбудливиот настан: настапот на Passepartuot Duo (Италија/Америка), кои од формирањето се во постојана светска турнеја. Тие се креаторите на првиот електромагнетен синтисајзер Chromaplane, со кој во 2021 ја освоија првата награда на Guthman Musical Instrument Competition 2025. Заедно со нив настапуваат и нашите Алембик. Линк од настанот 🎟️ Билети: mktickets.mk „Пуста независност и распадот навестен кој сѐ уште доаѓа, но не се даваме. Нека нѐ има за да нѐ има,“ велат од „Мртов Коњ“.

независна релевантна култура

Zendaya сосема заслужено се најде на чело на списокот на највлијателни личности во 2022. Еве што кажа Denis Villeneuve за нејзе: “За мене Зендаја е стара илјада години. Таа веќе живеела многу животи пред овој. А сепак, таа е млада како пролет. По некој нераскинлив парадокс, таа исто така остава впечаток дека е родена некаде далеку во иднината. Таа е безвременска и може да направи сѐ. Само во изминатата година, Зендаја зрачеше како комета снимена на целулоид во филмот „Малколм и Мари“ на Сем Левинсон. Таа емотивно експлодираше додека нејзините тинејџерски години се дезинтегрираа во културниот феномен на Левинсон Еуфорија. Таа блесна во Spider-Man: No Way Home, филм кој доминираше на бокс офисот во годината кога стана муза на екстремите. Но, Зендаја е многу повеќе од тоа. Таа и самата е автономна креативна сила. Културна икона во изработка. Личност водена од чиста инспирација, емпатија и почит кон нејзиниот занает, која ја користи автентичноста како нова суперсила. Изгледа бестрашна, нејзините корени се длабоки и сакам што сè уште се смее како дете. Зендаја е иднината. И нема ништо поутешно за мене. Ова е само почеток.” Вилнев е режисер, неодамна на Дуна.

Нѐ засекира како е Grimes откако остана самохрана мајка со малиот Икс, па ја изгуглавме што прави деновиве. Дечки ич да не ја мислите, на прав пат е! Го чита Комунистичкиот манифест, и тоа на нога!

независна релевантна култура РАЗГОВОРИ 1 2 razgovori pogovori conversations Milk of dreams

независна релевантна култура

Раперот Тyler The Creator уште еднаш покажа дека неговата музика има моќ да доминира на музичките листи. Неговиот осми студиски албум, „Chromakopia,“ го освои првото место на Billboard 200 вторпат по ред, со 160,000 продадени албумски единици во САД. Ова е историско достигнување за Тајлер – „Chromakopia“ стана негов прв албум што успеал два последователни пати да го освои врвот на листата. Ова е негов втор албум што го достигнал првото место на два различни периода, по „Call Me If You Get Lost“ од 2021 година, кој исто така имаше две не последователни недели на врвот на Billboard 200. Неговата прва победа на листите започна со „IGOR“ во 2019 година. Второнеделниот успех на „Chromakopia“ делумно се должи и на изданието на ЦД-то и два специјални бокс-сета, достапни на официјалната веб-страница на Тајлер. Раперот се заблагодари на своите фанови преку Instagram Story за поддршката, но не ги изостави ни оние кои албумот го критикуваа. „Благодарам на сите кои го слушаа, пребаруваа, репетираа, го исклучија, го сакаа, го мразеа, им растеше и исчезнуваше интересот – навистина ценам секое уво,“ напиша Тајлер. „Се наоѓам во поинаков момент од животот отколку кога повеќето од вас ме запознаа. Да ги споделам овие мисли или чувства, кои можеби сум ги допрел само површно порано, беше вистинско ослободување, и чувството дека толку многу од вас се идентификуваат со тоа е неверојатно.“ Chromakopia значи изобилие на бои, но сите визуелизации (видео, фотографии) се црно-бели или сепиа. Ние сме пресреќни што музика која лесно може да биде категоризирана како експериментална, андерграунд ...знаете на што мислиме ... може конзистентно да ги победува комерцијалните поп изведувачи ко од шала.

независна релевантна култура

независна релевантна култура

независна релевантна култура

независна релевантна култура