независна релевантна култура

независна релевантна култура

Гигантот на социјалните мрежи Twitter/X (Твитер/Икс) западна во криза овој викенд бидејќи голем број големи американски компании ги повлекоа рекламите поради стравувањата дека страницата изобилува со антисемитска содржина. Apple, Disney, Paramount, Warner Brothers и Sky и сопственикот на NBCUniversal, Comcast, ги паузираше финансирањата за реклами на платформата бидејќи нејзиниот сопственик Илон Маск се противеше на обвинувањата дека дозволува рекламите да се прикажуваат напоредно со екстремно десничарските објави. Бојкотот дојде неколку дена откако Маск лично одобри антисемитска објава на платформата. Компјутерскиот гигант IBM беше првата компанија што го запре рекламирањето во четвртокот, после извештајот на непрофитната американска организација Media Matters кој тврди дека X сервира реклами за IBM, Apple, Oracle, NBC Universal и Comcast’s Xfinity напоредно со пронацистичка содржина. Apple и другите големи брендови го следеа примерот, додека Европската комисија рече дека ќе ги паузира рекламите поради „широко распространета загриженост во врска со ширењето на дезинформации“ во неделите по избувнувањето на војната меѓу Израел и Хамас на 7 октомври. Во сабота Маск се закани со „термонуклеарна тужба“ против Media Matters и ја обвини дека манипулира со нивните вести за да генерира „редок пример“ на реклами кои се сервираат покрај екстремно десничарските објави. „Оваа недела, Media Matters for America објави приказна која целосно погрешно го претстави вистинското искуство на X, во уште еден обид да ја поткопа слободата на говорот и да ги доведе во заблуда огласувачите“, се вели во соопштението на X. Сепак, претседателот на Media Matters, Анџело Карусоне, рече: „Далеку е од поборникот за слобода на говор кој тврди дека е, Маск е насилник кој се заканува со неосновани тужби во обид да ги замолчи извештаите за кои тој дури и потврди дека се точни. Маск призна дека спорните реклами се појавија заедно со пронацистичката содржина што ја идентификувавме. Ако не́ тужи, ќе победиме“. Потенцијалната правна борба со Media Matters следи по одделен инцидент во средата кога Маск му одговори на корисник на X кој промовираше антисемитска теорија на заговор дека Евреите им помагаат на „ордите на малцинствата“ во САД да ги заменат белите луѓе. „Ја кажавте правата вистина“, одговори Маск на Твитер. Таканаречената теорија за замена беше верување застапено од Роберт Бауерс пред да убие 11 верници во синагогата „Дрво на животот“ во Питсбург, Пенсилванија, во 2018 година. Бурните реакции по твитот на Маск стигна до Белата куќа, каде што портпаролот рече: „Ја осудуваме оваа одвратна промоција на антисемитска и расистичка омраза“. Во обид да ги задржи последиците, извршната директорка на X, Линда Јакарино, во петокот рече: „X беше исклучително јасен во нашите напори за борба против антисемитизмот и дискриминацијата. Апсолутно нема место за тоа никаде во светот“. Последниот бран на бојкот на компаниите предизвика нови прашања за одржливоста на X, кој Маск го купи пред една година за 44 милијарди долари. Договорот беше делумно финансиран со долг од 13 милијарди долари од банките на Волстрит. За време на неговото кратко, но бурно владеење, Маск ја преименуваше компанијата, нарушувајќи ја функционалноста на страницата, воведе функции што се платени и отпушти илјадници вработени, вклучително и модератори на содржини, во обид да ги спречи огромните загуби. Сепак, страницата останува силно зависна од огласувачите. Податоците од аналитичката фирма Guideline минатиот месец сугерираат дека овој приход паѓал во просек за 55 отсто секој месец од преземањето. Јакарино, поранешен шеф за рекламирање во NBCUniversal, беше донесен во мај во обид да ја стабилизира ситуацијата и да ги врати огласувачите во јатото. Директорот на една голема лондонска агенција за дигитално рекламирање рече: „Клиентите мора да се повлечат, барем на краток рок. Дали ќе се вратат? Едноставно не знам. Ова е многу полошо од било што [Маск] направил или рекол во минатото. Ќе биде тешко да се прости“. „Ниту еден огласувач не сака нивниот бренд да биде поврзан со токсична содржина“, рече Алис Ендерс, шеф на истражување во Ендерс Анализис, но додаде дека многу организации ќе држат дел од вниманието на рекламирањето за претседателските избори во 2024 година во САД. „Има многу политичко рекламирање и медиуми на X. Циклусот на политички реклами навистина ќе го фаворизира Илон Маск во 2024 година“. Последната контроверзија на Маск околу X дојде додека компанијата на милијардерот SpaceX се подготвуваше за второто лансирање на својата најголема ракета досега, Starship, која се лансираше од Тексас во саботата.

независна релевантна култура

17.10.24 г., 10:00 Скопски џез фестивал Македонска опера и балет, Бул. Гоце Делчев, Skopje, North Macedonia Вовед во светот на современиот џез и креативната музика Скопје, 17 октомври 2024 – Денес започнува 43. издание на Скопскиот џез фестивал, едно од најзначајните културни настани во регионот, којшто од 17 до 20 октомври ќе ја претвори македонската престолнина во епицентар на современиот џез и креативната музика. Со внимателно селектирана програма, фестивалот продолжува да ја гради својата репутација како еден од најреномираните европски џез фестивали, претставувајќи го најдоброто од светската сцена. Во текот на четирите фестивалски вечери, девет меѓународно признати состави од САД, Европа и Македонија ќе настапат на сцените на Националната опера и балет и Младинскиот културен центар (МКЦ). Програмата, распоредена на четири инспиративни вечери, изобилува со ексклузивни настапи и звучи ветувачки, со оглед на фактот дека ова издание ќе донесе некои од најголемите имиња во светот на џезот и импровизираната музика денес. Сесил Меклорин Салвант и Next to Silence ја отвораат првата вечер Фестивалот ќе биде свечено отворен вечерва со специјален концерт на една од најголемите џез пејачки на денешницата – Сесил Меклорин Салвант. Со три освоени Греми награди и уште шест номинации зад себе, Салвант е позната по својот талент да оживува стари, речиси заборавени песни, внесувајќи во нив нов живот и емоционална длабочина. Нејзиниот уникатен вокален стил и неверојатната способност за раскажување ја прават овој концерт задолжителен за љубителите на џезот. Вечерта ќе продолжи со настап на домашниот состав Next to Silence во МКЦ, кои ќе го претстават својот нов албум „Ruh“. Овој албум, кој веќе беше промовиран на 12 октомври, ќе биде изведен во живо, што претставува ексклузивна концертна премиера на новиот материјал. Композициите на Next to Silence ја носат публиката на необично музичко патување, преполно со древни вештини и природни феномени, вешто преобразени во модерна џез форма. Втора вечер: Од европска импровизација до експериментална енергија Петочната програма ќе ја одбележат настапите на квартетот на португалскиот саксофонист Родриго Амадо, The Bridge, којшто ги обединува врвните европски и американски импровизатори како Александар фон Шлипенбах, Ингебрит Хакер Флатен и Џери Хемингвеј. Нивниот концерт ветува извонредно импровизаторско искуство и мајсторска техника. Исто така, на истата вечер ќе настапи The End, предводен од Матс Густафсон и Кјетил Мостер. Нивниот експериментален звук, кој комбинира жесток грајндкор, фри џез и ноиз, збогатен со фолклорни влијанија од Мавританија до Скандинавија, ќе го претстави уникатниот спој на различни музички светови. Викенд програма: Давид Вирејес, Роб Мазурек и Алабастер ДеПлум Третата фестивалска вечер (сабота) ќе донесе три светски реномирани џез уметници. Давид Вирејес, њујоршки пијанист со кубански корени, ќе ја покаже својата уникатна синтеза на традиционалните и современите музички влијанија, а Роб Мазурек со неговиот Exploding Star Orchestra ќе донесе аудиовизуелно патување во светот на авангардниот џез. Овој проект, кој ги обединува музичарите од пост-рок и слободната импров сцена, се истакнува со својот најнов албум „Live at the Adler Planetarium“, чија концертна премиера ќе ја доживее на овој фестивал. Британскиот музичар и поет Алабастер ДеПлум ќе ја затвори вечерта со својата магична комбинација на џез и перформативна поезија, внесувајќи интроспективна длабочина и топлина во своите настапи. Неговата музика повикува на заедништво и колективна креативност, што го прави уникатен на денешната сцена. Финале со Fire! Orchestra Последната вечер на фестивалот ќе ја затвори шведскиот Fire! Orchestra. Со свои 43 музичари и троен албум „Echoes“, тие ќе ги поместат границите на модерната музика. Овој оркестар, предводен од Матс Густафсон, Јохан Бертлинг и Андреас Верлин, со својата комбинација на фри џез, психоделичен рок и ноиз ќе донесе импресивен и енергичен настап, кој ветува спектакуларно затворање на фестивалот. Џез за солидарност и културна програма Како дел од дополнителната програма, Скопскиот џез фестивал продолжува со проектот „Џез за солидарност со бегалците“, во соработка со UNHCR, повикувајќи на поддршка за сите што страдаат од војни и конфликти. Минатата сабота беше промовиран и новиот албум на Next to Silence, додека во текот на фестивалот ќе се одржат и изложби и филмски проекции, меѓу кои документарниот филм за Мајлс Дејвис, „Birth of the Cool“. ПРОГРАМА 17 октомври Национална опера и балет, 20:00 • CECILE MCLORIN SALVANT (САД) МКЦ - Дансинг сала, 23:00 • NEXT TO SILENCE (С. Македонија) 18 октомври Национална опера и балет, 20:00 • RODRIGO AMADO THE BRIDGE (Португалија/Германија/Норвешка/САД) • THE END (Шведска/Норвешка) 19 октомври Национална опера и балет, 20:00 • DAVID VIRELLES (САД) • ROB MAZUREK EXPLODING STAR ORCHESTRA (САД/Норвешка/Италија) МКЦ - Дансинг Сала, 24:00 • ALABASTER DEPLUME (В. Британија) 20 октомври Национална опера и балет, 20:00 • NICOLE MITCHELL & MARK SANDERS (САД/В. Британија) • FIRE! ORCHESTRA (Шведска/Норвешка/Франција) претходно следно

📅 12 септември 2025 📌 Салон 19:19 🕐 20:00 На 12 септември (петок) со почеток во 20 часот, во Салон 19:19 ќе се одржи концертот на италијанско-американското дуо Passepartout Duo и македонскиот состав Алембик. Настанот носи експериментален и авангарден звук, исткаен од два различни музички света кои се среќаваат во Скопје. Passepartout Duo – патувачки лаборатории на звукот Формирани во Верона во 2015 година, пијанистката Николета Фавари и перкусионистот Кристофер Салвито го градат својот музички универзум со постојано истражување на материјали, технологии и ритми. Тие користат електроакустични текстури, електромагнетни принципи, па дури и спроводливи текстилни влакна за да создадат полиритмични композиции. Од самиот почеток живеат во движење – нивните турнеи минуваат низ уметнички резиденции како The Watermill Center (САД), Swatch Art Peace Hotel (Кина) и Embassy of Foreign Artists (Швајцарија). Соработките се неизоставен дел од нивната практика – минатата година го снимија албумот Radio Yugawara заедно со легендарниот јапонски амбиентален состав Inoyama Land. Особено внимание привлече нивниот изум – електромагнетниот синтисајзер Chromaplane, со кој оваа година го освоија првото место на престижниот Guthman Musical Instrument Competition. До сега имаат издадено неколку EP изданија и четири албуми: Vis-à-vis (2020), Daylighting (2021), Circo Pobre (2022) и Argot (2024). Концертот во Скопје е нивен прв настап во Македонија. Алембик – домашната алхемија на звукот Двојката Виктор Танасковски (гитара) и Ива Дамјановски (клавијатури, вокал, теремин) делува под името Алембик. Нивниот прв, истоимен албум (2022) е посветен на судирот – но и можната симбиоза – помеѓу природата и технологијата. Музиката е градена така што самото нејзино создавање е дел од концептот, баланс меѓу органското и машинското. Алембик се веќе препознатливи на домашната сцена, а истовремено активно држат концерти низ Европа (Чешка, Естонија, Франција, Србија, Хрватска, Црна Гора, Словенија, Италија). Тие се редовни учесници во истражувачко-уметнички проекти, а во моментов работат на својот втор албум. 🎟️ Влез: 300 денари (билетите ќе бидат достапни на влез и онлајнѕ преку mktickets.mk)

Долга е раката на кансел културата сите вести Албумот на Канје Вест и Ty Dolla Sign Vultures 1 повлечен од Apple Music Долга е раката на кансел културата 19 фев. 2024 г. Одисејата на новиот албум „Vultures 1“ на Је и Тy Dolla Sign, продолжува со нови препреки во однос на дистрибуцијата низ стриминг платформите. Албумот, кој беше кратко повлечен од Apple Music и iTunes во четвртокот попладне, сега се врати благодарение на Label Engine, кој сега, како што известуваат, ja презема улогата на дистрибутер.Според информациите објавени на YouTube, за албумот првично беше задолжен FUGA, кој вели дека отфрлил да го дистрибуира албумот, но првично бил доставен преку автоматизираните процеси на компанијата. https://www.youtube.com/watch?v=Tqlw87XV4kU По ова откритие, FUGA објави дека активно соработува со стриминг платформите за да го отстрани албумот од нивните бази на податоци. Албумот беше отстранет од iTunes и Apple Music, за една песна која интерполира парче од Дона Самер од 1977 година, „I Feel Love“, очигледно без дозвола, претходно беше избришана од Spotify. „ Кон крајот на минатата година, ни беше презентирана можноста да објавиме 'Vultures 1'. Вршејќи ја нашата обврска во редовниот тек на работата, одлучивме да не го сториме тоа“, изјави FUGA за Variety. И понатаму, компанијата објасни дека „в о петокот, 9 февруари 2024 година, еден долгогодишен клиент на FUGA достави албумот 'Vultures 1' преку автоматизираните процеси на платформата, прекршувајќи ги условите за користење на нашата услуга.“ Од Apple Music засега нема никаков коментар по повод настаните.Дистрибуцијата на „Vultures 1“ преминала во рацете на Label Engine, кој претходно бил наведен како дистрибутер за две од предизлежаните песни од албумот. https://www.youtube.com/watch?v=GQEcxrY0CWA Канје Вест, кој минатата година се обидуваше да најде дистрибутери по завршувањето на неговиот договор со Universal Music Group, се соочи со одбивања од повеќе компании, веројатно поради неговите антисемитски изјави. Сѐ уште не е јасно дали ова одложување на албумот се должи на неговите контроверзии или на неговата склоност констатно да го доработува својот материјал, често и откако ќе биде објавен.Проблемите со дозволите за користење на музика не стопираа само кај „I Feel Love“. https://www.youtube.com/watch?v=t86V-1dmS6k Ози Озборн, исто така, во петокот изјави дека Вест користел семпл од песната на Black Sabbath без негова дозвола. „Канје Вест побара дозвола за користење на семпл од живата изведба на песната 'War Pig' од 1983 година на фестивалот во САД, без вокали, и му беше одбиено поради неговите антисемитски ставови и болката која ја предизвика на многумина“, напиша тој. „Тој сепак го користеше семплот на својата преслушувачка забава синоќа. Не сакам да имам никаква врска со овој човек!“ Случајот останува во фокусот на медиумите, со фановите и уметниците внимателно го следат развојот на ситуацијата, и со право се прашуваат – што следно за Канје Вест и неговиот проблематичен албум „Vultures 1“? Канје Вест, познат по својата способност да создава контроверзии колку што е и по својата музика, повторно се најде во центарот на вниманието, но овој пат не заради продажба на албуми или награди. Сето ова доаѓа откако Вест јавно ја изрази своја склоност кон Хитлер, што предизвика голема негативна реакција во јавноста и одраз на неговата кариера. Оваа изјава го отвори прашањето до каде кансел културата, односно култура на откажување, може и треба да оди кога станува збор за уметниците и нивните дела. Кансел културата е социјален феномен кој се однесува на масовното повлекување поддршка за јавни личности и компании откако направиле или рекле нешто што се смета за неприфатливо. Во случајот со Канје Вест, неговите коментари беа метастазирана форма на говор на омраза што предизвика бран на критики и повлекување на поддршката од страна на фановите, колегите и деловните партнери. Иако едни сметаат дека кансел културата е неопходна за да се одржуваат јавните личности одговорни за нивните зборови и дела, други аргументираат дека оваа практика може да делува понекогаш и како лов на вештерки. Каде е границата помеѓу исправување на грешките и социјалниот еквивалент на „ смртна казна на јавните личности"? Пред После

независна релевантна култура

Ye и Bianca Censori – Крај на бракот или уште една драма во низата? Изгледа дека Ye – некогаш познат како Kanye West – повторно ја користи музиката како дневник, а последното што има да го каже за својот брак со Bianca Censori не звучи баш како љубовна песна. Во новата нумера “Bianca”, дел од албумот WW3, раперот ги потврдува гласините дека неговиот втор брак е во распад и фрла сериозни обвинувања на својата (поранешна?) сопруга. Песна или јавна исповед? “My baby she ran away/But first she tried to get me committed,” – пее Ye, тврдејќи дека Bianca не само што го напуштила, туку и се обидела да го хоспитализира пред да си замине. Ако ова ви звучи познато, тоа е затоа што Kanye веќе има историја на јавни испади во кои тврди дека луѓето околу него се обидуваат да го затворат во болница. Само што овој пат, наводно, тоа е неговата сопруга. Во текстот тој исто така признава дека ја следи преку апликација и дека се чувствува како дел од уште една токсична холивудска врска, споредувајќи се со Cassie и Diddy – пар чие име неодамна се поврзува со насилство и контрола. Каде завршува музиката, а каде почнува реалноста? Дали ова значи дека Bianca навистина го оставила Ye? Според извештаите од февруари, одговорот е „да“. Инсајдер за New York Post откри дека на Censori „ѝ беше доста“ по серијата контроверзии поврзани со раперот. Последната капка, бил моментот кога Ye реши да продава маици со свастика, што очигледно била границата што таа не сакала да ја премине. „Тоа беше последната капка,“ вели изворот. „Му кажа дека тоа не е нешто што таа може да го одобри , и дека не може да биде поврзана со нешто такво.“ Големиот молк на Censori И покрај тоа што Ye очигледно си ја отвори душата на песна, Bianca останува тивка. Нема изјави, нема деманти, нема обиди да ја „коригира приказната“. Единствената официјална реакција дојде од нивниот контроверзен портпарол Milo Yiannopoulos, кој порача дека „сите објави за нивниот приватен живот ќе дојдат од нив директно“. Но, со оглед на тоа дека Kanye веќе зборува преку музика, дали ова значи дека е официјално – крај на нивната врска? Во светот на Ye, ништо не е црно-бело (иако маиците со свастика дефинитивно се црно-бел проблем). Можеби ова е само уште една фаза во хаотичниот живот на раперот. Но, ако нешто е сигурно, тоа е дека Bianca, барем засега, не се враќа назад.

Бобан Китановски, КИЦ, изложба, фотографија Културно информативен центар (КИЦ), Mirche Acev, Скопје, North Macedonia Скопје, 21. март 2024 - Љубителите на природата и фотографијата ќе имаат уникатна можност да се тргнат на виртуелно патување низ планините на Македонија преку објективот на познатиот планинар и фотограф Бобан Китановски. Во просториите на Империјал 2, на 21. март со почеток во 20 часот, ќе биде отворена изложба која ги слави осум години од планинарскиот предизвик „12 Врвови“ на Планинарскиот клуб Трансферзалец. Изложбата, која е дел од одбележувањето на годишнината на овој планинарски настан, ќе ги претстави 30 одбрани фотографии на Китановски. Со својот талент и страст кон планинарењето, Китановски успеал да забележи некои од највпечатливите пејзажи и моменти исживеани на планините низ Македонија. Ни претставува огромна чест и задоволство, на осумгодишнината од одржувањето на планинарскиот предизвик „12 Врвови“ на ПК Трансферзалец да ви претставиме 30 одбрани фотографии сликани од планинарот - Бобан Китановски, чиј објектив и фотоапарат редовно ги овековечуваат искачувањата, чекорите и уживањата на врвовите и планините во Македонија. На овој настан ќе биде претставено и второто подобрено издание на книгата „Планински врвови во Македонија“ од Марио Шаревски, која е збирка на податоци за 61 планински врв искачени во првото петолетие на предизвикот со додаток за Првата - Западна Македонска Трансверзала и бројни мапи од планинарските патеки. Отварањето на изложбата ќе биде означено со поздравен говор на г-дин Зоран Читкушев, претседател на Федерацијата за планинарски спортови на Македонија – ФПСМ, кој ќе ги истакне значењето и убавините на планинскиот спорт и културата. Исто така, ќе биде претставено и второто подобрено издание на книгата „Планински врвови во Македонија“ од авторот Марио Шаревски. Книгата претставува значаен придонес кон планинарската литература во Македонија, нудејќи вредна информација за 61 планински врв заедно со преглед на првата Западна Македонска Трансверзала и детални мапи на планинарски патеки. Оваа изложба не само што го прославува духот на авантурата и спортот, туку и ја истакнува важноста на очувувањето на природните убавини кои ги имаме. Посетителите ќе можат да ги купат фотографиите и книгата, а дел од приходите ќе бидат донирани за поддршка на планинарските активности на ПК Трансферзалец. Секој љубител на природата и фотографијата е поканет да учествува и да се присоедини во ова празнување на планините и нивната непроценлива убавина. Изложбата ќе продолжи да биде отворена за посетители во текот на следните денови. претходно следно

независна релевантна култура

независна релевантна култура There’s Nothing Here... We can’t find the page you’re looking for. Check the URL, or head back home. Go Home