независна релевантна култура

независна релевантна култура

независна релевантна култура

Емо/пост-хардкор бендот Yöu тргнува на европска турнеја низ осум земји, со стартен концерт во Скопје каде ќе настапат заедно со Корка. Македонскиот емо/пост-хардкор бенд Yöu оваа пролет заминува на европска турнеја што опфаќа 13 концерти во осум земји, со рута што минува низ клубови, DIY простори и алтернативни сцени во централна Европа и регионот. Турнејата започнува на 15 мај во Скопје со концерт во Буква, каде како гости ќе настапат и кочанските Корка. Потоа следува интензивен циклус од 11 концерти во 11 дена низ Словенија, Италија, Германија, Австрија, Чешка, Хрватска и Србија. Финалниот настап е закажан за 6 јуни во Битола, на главната бина на фестивалот Metal Discharge Open Air. Патувањето, долго повеќе од 5000 километри, е реализирано во соработка со Атомик продукција и Црнило букинг, во духот на DIY мрежата што одамна ја поврзува регионалната алтернативна сцена. Формирани во 2015 година во Скопје, Yöu својата музика ја градат врз влијанијата од DC „Revolution Summer“ сцената, класичното емо, пост-хардкорот и потемните текстури на blackgaze и пост-металот. Нивниот звук комбинира мелодични, атмосферични гитарски линии со агресивен вокал и цврста ритам секција, создавајќи чувство на постојана тензија помеѓу кревкост и експлозија. По деби албумот We Sing The Blues… од 2017 година, бендот настапуваше низ Европа и Балканот, а во 2024 година го објави EP изданието River of Sadness, со кое го дефинираше новиот правец и актуелниот звук. Оваа турнеја претставува нивно враќање на европските сцени со нов материјал и освежен состав. Критиката ги опишува како бенд со интензивен и емотивно набиен настап. Српскиот Abbadon Magazine ги нарекува „брилијантен бенд“ со силно сценско присуство, додека американскиот The Platypus Zine го истакнува балансот помеѓу атмосферичните градации и суровиот, агресивен израз. Во време кога голем дел од регионалната алтернативна сцена преживува преку мали клубови, самоорганизирани турнеи и упорна DIY логистика, вакви турнеи функционираат и како културна мрежа: патувачки систем на пријателства, засилувачи, подруми и сцени што уште веруваат во бучавата како форма на заедништво. Придружете му се на бендот: FB: www.facebook.com/youthebandmk Bandcamp: https://youtheband.bandcamp.com IG: youthebandmk Датуми на турнејата 15.05 – Скопје – Буква 21.05 – Љубљана – Menza pri Koritu 22.05 – Модена – Stella Nera 23.05 – Милано – GTA Gratosoglio 24.05 – Тубинген – Epplehaus 25.05 – Линц – Willy*Fred 26.05 – Лајпциг – Connewitz 27.05 – Прага – Eternia 28.05 – Брно – Vegalite 29.05 – Загреб – AKC Attack 30.05 – Белград – Drugstore 31.05 – Нови Сад – CK13 06.06 – Битола – Metal Discharge Open Air

независна релевантна култура

независна релевантна култура

независна релевантна култура

Настани деновиве низ град: од Скопје, Битола, Охрид, Кичево, Струмица па до Лондон и Њујорк. Дива ве води на настаните кои мислиме дека мора да ги посетите. Од концерти фестивали и изложби, до саеми, кулинарски настани театарски претстави и јога - настани без престан карпошово културно лето, Мирисот на летото 2024, Кинотека на Северна Македонија 14.11.24 г., 18:00 Скопје ова лето ќе биде домаќин на уште еден уметнички настан под отворено небо. Како дел од Карпошовото културно лето „Мирисот на летото 2024“, Детскиот ликовен центар ќе организира ликовен настан кој ќе се одржи во дворот на Кинотека на Република Северна Македонија. На настанот, кој ќе се одржи на 24 и 25 август (сабота и недела), ќе учествуваат десет ликовни творци, меѓу кои се: Владимир Лазоски, Харалампие Манчев – Хари, Игор Поповски, Владимир Величковски, Стојче Тоциновски, Илчо Симовски, Емилија Тоциновска, Марија Светиева Ергас, Сузана Ал Сакини и Маја Танева. Во текот на двата дена, од 10 до 19 часот, овие уметници ќе бидат во живо пред публиката, создав ајќи нови дела под летното сонце.Отварањето на изложбата е закажано за вторник, 27 август, во 12:00 часот о изложбената галерија при кинотеката . Стручниот секретар на Детскиот ликовен центар и познатиот ликовен уметник, Харалампие Манчев – Хари, истакна дека настанот не само што ќе овозможи презентација на современата македонска ликовна уметност, туку и ќе создаде платформа за размена на идеи и инспирација меѓу уметниците и широката јавност.Повикани се сите љубители на уметноста и културата да го посетат настанот и да уживаат во креативната енергија што ќе го одбележи ова лето. следно

независна релевантна култура

Украинскиот претседател Володимир Зеленски се појави со видео на неделната Греми, повикувајќи ги гледачите „да нѐ поддржат на кој било начин“. „Што е повеќе спротивно од музиката? Тишината на разурнатите градови и убиените луѓе“, рече Зеленски во видео пораката откако го претстави водителот Тревор Ноа. „Нашите музичари носат панцир наместо смокинг. Тие им пеат на ранетите во болниците, дури и на оние кои не можат да ги слушнат“, продолжи тој. „Но, музиката сепак ќе се пробие. Ние ја браниме нашата слобода да живееме, да сакаме, да звучиме. На нашата земја се бориме со Русија, која носи ужасна тишина со своите бомби. Мртвата тишина. Пополнете ја тишината со вашата музика. Пополнете ја денес, да ја раскажеме нашата приказна. Кажете ја вистината за војната, на вашите социјални мрежи, на ТВ. Поддржете не на секој начин, но не молчете. Во сите наши градови војната уништува… тие се веќе легенди. Но имам сон да живеат. И слободни. Слободни како тебе на сцената на Греми“. Неговото видео појавување беше проследено со настап на Џон Леџенд. На Леџенд му се придружија украинските уметници Сиузана Иглидан, од Одеса, и Мика Њутн, чија сестра служи во украинската армија. „Дури и во најтемните времиња, музиката има моќ да го подигне духот и да даде надеж за посветло утре“, рече Ноа. „И нема никој што може да искористи малку надеж во моментов повеќе од народот на Украина“. Извршниот директор на Академијата за снимање, Харви Мејсон Џуниор, рече во изјавата пред шоуто дека се надева дека сегментот „ја инспирира нашата глобална публика да се вклучи за да ги поддржи овие критични хуманитарни напори“. „Ние сме скршени од ситуацијата во Украина, но сепак трогнати од издржливиот дух што таму се гледа секој ден“, рече Мејсон.

независна релевантна култура

независна релевантна култура