5 јан. 2024 г.
Од моментот кога судијата ги преиначи во јавни судските документи кои содржат детали за починатиот и осуден сексуален злосторник Џефри Епстин, насана вистинска трка за откривање на нови детали за сексуалната трговија на покојниот финансиер и идентификување на неговите славни пријатели со кои се дружел.
Документите, објавени на 3 јануари, беа дел од тужбата за клевета од 2015 година против Гислен Максвел, поднесена од жртвата на Епстин, Вирџинија Гафри, која тврдеше дека омразената подводаџика ја нарекла лажливка, поради тврдењата на Гафри дека била злоупотребена како дете. Случајот заврши со спогодба две години подоцна, но овие 40 документи сè уште треба да се потврдат или - оспорат.Низ целосниот материјал од 900 страници кој содржи депозиции, молби и разни судски документи, откриените документи не функционираат како список на клиенти или адресар на Епстин.
Да бидеш именуван не укажува на погрешна етички или легално, постапка, и покрај тоа што разно-разни Твитерџии ќе ви го кажат спротивното.
Сепак, едно спомнување на покојниот Стивен Хокинг во мејл помеѓу Епстин и Максвел беше шокантно: Епстин во 2015 година и́ напишал на Максвел дека се обидува да најде луѓе кои ќе ги оборат обвинувањата на Вирџинија Гафри дека „Стивен Хокинг учествувал во малолетничка оргија“, стои во е-поштата.
Некои дури шпекулираа за појавувања во документите на рагби ѕвездата Арон Роџерс кој сугерираше дека Џими Кимел ќе биде именуван. Спојлер: Не беше, и Кимел беше гневен што воопшто беше спомнат. Други навистина беа спомнати во документите, иако не на толку изненадувачки начин.
Во една депозиција, претпоставената жртва Јохана Шоберг е испитана од адвокатката Лора Менингер, која ја прашува Шоберг за известувања од медиумите дека се сретнала со Кејт Бланшет и Леонардо ДиКаприо. Шоберг потврдува дека никогаш не се сретнала со Бланшет или ДиКаприо, само дека Епстин ги спомнал и тврдел дека прима повици од двата актери во нејзино присуство. „Тој беше на телефон многу во тоа време, и еднаш рече, ‘О, тоа беше Леонардо,’ или, ‘Тоа беше Кејт Бланшет,’ или Брус Вилис,“ таа и́ рече на адвокатката, според документите проверени од медиумите. Шоберг додаде дека ниту не се сретнала со Камерон Дијаз или Наоми Кембел.
Во случајот со Кембел, нејзиното име се појави на други места - Гофри обвини дека Гислен Максвел ја присилила да има секс со сопственикот на голем хотелски ланец во време на роденденската забава на Кембел во најновата група откриени документи. Годината не е назначена.
Во документи објавени во 2023 година, една од обвинителките на Епстин обвини покојниот сексуален злосторник дека го користел името на Кембел за да ги мами жртвите со ветување дека ќе ги воведе во контакти за да ја остварат манекенската кариера и бил на настан во Париз, организиран од супермоделката во 2010 година, извести The Wall Street Journal.Депозицијата на Шоберг исто така спомна и други големи имиња - магичарот Дејвид Коперфилд и Мајкл Џексон. Таа тврдеше дека се сретнала со покојниот „Крал на поп музиката“ но не му дала „масажа“.
Што се однесува до Коперфилд, Шоберг рече дека тој „ми постави прашање дали знам дека девојките се платени да најдат други девојки.“ Исто така, излегоа нови детали за Доналд Трамп, Бил и Хилари Клинтон и Жан-Лук Бренел. Претходно објавени документи открија дека научникот и лингвист Ноам Чомски го придружувал Епстин на лет за вечера со Вуди Ален и неговата сопруга, Сун-Ји Превин, според The Wall Street Journal, заедно со дизајнерката Вера Ванг и технолошкиот магнат Бил Гејтс.