top of page

„Фрејзер“: Роз се враќа во финалето на сезоната оваа недела

„Беше остварување на соништата повторно да се игра таа улога и да се вратам во тој свет“

6 дек. 2023 г.

Обожавателите на Фрејзер беа шокирани оваа недела откако оригиналната долгогодишна колешка - Роз, која ја игра Пери Гилпин, изненадувачки се врати во рестартираното шоу.


Гилпин ја играше Роз во првичната инкарнација на серијата во текот на единаесет сезони и беше повторно обединета со Фрејзер Крејн, игран од Келси Грамер, на екранот оваа недела за прв пат по 20 години за финалето на сезоната.


Роз го изненадува Фрејзиер на Божиќ, неговиот прв без татко му Мартин (го играше Џон Махони, кој почина во 2018 година).

Гилпин рече: „Само сакав да го направам тоа. Беше остварување на соништата повторно да ја играм таа улога и да се вратам во тој свет. И е горчливо-слатко затоа што многу ме растажува кога размислувам за Џон. Ми недостасува. Тој беше одличен пријател, но мислам дека се справија добро со тоа“.


Таа продолжи: „Тие се навраќаат на Џон во секоја можна прилика и тие прават референци. Тие реферираат и на „Кафулето На здравје“. Тие реферираат и во нашиот прв Фрејзер и се чувствувам како да сме дел од новата серија. Таму се чувствував многу удобно и прекрасно и беше навистина духовито. Утешно е кога го гледате. Си велиш: „О, боже, можам да го гледам ова повторно. Ново е, свежо е, но ги имам истите чувства како кога го гледав првиот пат.“

Гилпин, исто така, изјави за публикацијата дека е отворена дури и да се врати како Роз во редовна улога „ако тоа е можност, ако тоа е нешто што може да се случи“.



„[Роз и Фрејзер] имаа одлично, одлично пријателство и на двајцата им беше потребно тоа пријателство“, продолжи Гилпин. „Мислам дека тој беше како нејзиниот постар брат и таа секогаш можеше да оди кај него. А тие пријателства се многу, многу тешко да се постигнат, ме разбираш?“


Покрај Грамер, во новиот Фрејзер играат Николас Линдхерст (од британската Only Fools and Horses) како универзитетскиот професор Алан, Џек Катмор-Скот како синот на Фрејзер, Фреди, Андерс Кит како внукот на Фрејзер, Дејвид, Џес Салгеиро како Ева и Токс Олагудоја како Оливија.

Грамер откри претходно оваа година дека не можел да го убеди поранешниот колега во шоуто Дејвид Хајд Пирс да се врати во улогата на Нajлс Крејн.

bottom of page