Кога две кралици на рапот се судираат(повторно!): што се случува во најновиот конфликт меѓу Cardi B и Nicki Minaj

Албум, егото и интернетот: старото ривалство меѓу Cardi B и Nicki Minaj повторно се претвори во јавен спектакл.

Војната меѓу двете најгласни имиња на женскиот рап Cardi B и Nicki Minaj, повторно се разгори на социјалните мрежи. Поводот е новиот албум на Cardi, „Am I the Drama?“, кој за кратко време се искачи на врвот на топ-листите, но и предизвика низа јавни навреди и обвинувања.

Кој е кој во оваа приказна?

Ники Минаж( Nicki Minaж, вистинско име Оника Тања Мараж - Пети( Onika Tanya Maraj-Petty) е една од највлијателните раперки и пејачки-авторки на сите времиња. Од нејзините микстејпови на почетокот на 2000-тите до светските турнеи и првите места на топ-листите, Minaj го смени пејзажот на хип-хопот, отворајќи пат за жени во жанр што со децении беше машка територија.

Cardi B (вистинско име Белкалис Марленис Алманазар (Belcalis Marlenis Almánzar)) е, пак, современата суперѕвезда на новата генерација. Од појавувањето во реалното шоу Love & Hip Hop: New York до нејзиниот Греми за најдобар рап албум како првата соло-рап артистка во историјата што ја добила таа награда , Cardi се изгради како симбол на искреност, урбана енергија и дигитална автентичност.

Нивната меѓусебна нетрпеливост се претвори во јавен конфликт во септември 2018 година, за време на настанот на Harper’s Bazaar на Њујоршката модна недела. Според сведоци, двете влегле во расправија што завршила со физичка пресметка, при што Cardi фрлила чевел кон член од екипата на Nicki.

Ситуацијата се разгори повторно во септември 2025 година, кога Cardi го објави својот втор студиски албум Am I the Drama? – кој веднаш дебитираше на првото место на Billboard 200.

Неколку дена подоцна, Nicki објави дека нејзиниот шести албум ќе излезе во март 2026, а потоа, во низа сега избришани објави , ја исмеа Cardi поради промотивната цена од $4.99, пишувајќи твит: „Barney Dangerous“ и објавувајќи римувани пародии на стихови од песната “Magnet.”.

Nicki Minaj прва ја провоцираше Cardi со серија објави во кои го исмеваше успехот на албумот, сугерирајќи дека продажбите се „вештачки зголемени“. Со твитот „$4.99“, Minaj алудираше дека албумот се продава евтино само за да стигне до број 1. Таа потоа го измени текстот од својата песна “Magnet”, додавајќи стихови насочени против Cardi.

Cardi возврати со видеа и твитови во кои ја нарече Nicki „Cocaine Barbie“ и ја обвини дека со години живее во „фантазија“.

Од музика кон семејни навреди

До крајот на септември, преписката доби злокобен тон. Двете ја преминаа границата на музичката препирка нападите станаа лични, а во расправијата беа вклучени и членовите на нивните семејства.

Ники напиша навреди со расистички и деградирачки термини:

„Kulture vulture“ (игра на зборови со името на ќерката на Cardi, Kulture), „Твоите мајмуни и бубашваби“

Nicki ѝ се извини на ќерката на Cardi, Kulture, но продолжи со саркастични коментари;

Cardi, пак, возврати со навреди насочени кон синот на Nicki, познат како Papa Bear, нарекувајќи го Папа Перк(Перкосет, апчиња опијати) и ја обвини Nicki за неговиот наводен аутизам, и рече дека педофилијата е во неговата крв.

„Твоето дете не зборува затоа што си го оштетила со дроги.“; „Оди на терапија, го губиш умот.“ Сето ова напишано во стилот на Meet the Grahams на Кендрик Ламар.

Иако ова не е првпат нивниот судир да ја заземе целата сцена( уште од 2018 наваму тие со години одржуваат отворен антагонизам ) последната епизода покажува колку интернетот ја претвори поп-културата во арена на лични напади, мемиња и брз морален суд.

Зошто е ова толку големо прашање?

Во американската музичка култура, ваквите „beef“-ови (јавни конфликти меѓу артисти) се речиси традиција : дел од уличниот код на хип-хопот, каде што борбата за респект и престиж е исто толку важна колку и музиката. Но, кога во центарот се жени кои се пробиле во машка индустрија, динамиката добива и феминистичка и медиумска димензија: јавноста често ги суди построго, а медиумите ја потхрануваат приказната како спектакл.

Nicki и Cardi одамна не се само раперки тие се икони на различни генерации и енергии:

Nicki е контрола, стратегија и естетска ексцентричност. Cardi е хаос, искреност и суров шарм од улицата.

Засега, двете страни не покажуваат намера да се смират. Иако двете жени се мајки, Карди е бремена, успешни бизнис-диви и пример за финансиска независност, нивниот конфликт стана огледало на цела индустрија која ја користи драмата како маркетинг. Иако не веруваме дека Минаж имаше намера да го рекламира албумот на Карди - сепак го направи токму тоа.