Њујорк под ‘W’: Последната битка на Wu-Tang на домашен терен
- Ана Чушкова / Ana Cuskova
- Jul 18
- 2 min read
„Луѓе, хип-хопот го инспирира целиот ебен свет преку 50 години!“ – RZA, 16 јули 2025

На 16 јули, Madison Square Garden не беше само арена, се претвори во вистински храм. Последната вечер на Wu-Tang Clan во Њујорк прерасна во културен и култен настан од генерациски ранг.

Шоуто почнало точно во 21:20, според Setlist.fm, и не забави ниту за момент. Од „Sunlight“ до „Triumph“, сетлистата од 31 песна се чита како учебник за хип-хоп историја:
„Bring da Ruckus“, „Da Mystery of Chessboxin’“, „Protect Ya Neck“; Солирања од Ghostface и Raekwon („Rainy Dayz“, „Criminology“); Финале со „C.R.E.A.M.“ и „Triumph“ – химни што уште носат тежина.
RZA: Центарот на гравитацијата
Во момент кој ги замолчи и најгласните, RZA одржа емотивен говор:
„хип-хопот го инспирира целиот ебен свет преку 50 години!…“
Потоа дојдоа ин мемориам посветите. Од Nate Dogg до Phife Dawg, од Biz Markie до Nipsey Hussle, салата се соедини во еден глас за „Just a Friend“ во масовна меморија на културата.
Њујорк не штедеше на легенди. На сцената се појавија: Slick Rick со „Children’s Story“, Redman со „Da Rockwilder“, Lil’ Kim, Havoc (Mobb Deep), Big Daddy Kane…
Секој настап беше фаза од хип-хоп еволуцијата. Публиката го препозна тоа како жив учебник што рапува…. Историја во акција.

На Инстаграм и Твитер, фидовите експлодираа:
„Where my Actual NYers at? A celebration of REAL HIP HOP… what a night!“ (каде се моите вистински Њујорчани? Славење на ВИСТИНСКИ ХИП ХОП…. Каква ноќ!”
„Wu legends. Full house. No skips. Just bars & memory.“ (Wu легенди. Полна куќа. Без прескокнувања. Само стихови и сеќавање.)

Сите препознаа дека се дел од нешто големо. Ниедна снимка не го фаќа тоа чувство, иако насетувавме што се случува… сепак мораше да се биде таму да се знае .
Comments