независна релевантна култура

независна релевантна култура

независна релевантна култура

независна релевантна култура

26.1.24 г., 19:00 Културно-информативниот центар, изложба, графичка работилница Софија – Богданци Културно информативен центар (КИЦ), Mirche Acev, Skopje, North Macedonia На 26 јануари 2024 година, во Салон Империјал 1 и 2 на Културно-информативниот центар во Скопје, ќе биде отворена петтата триенална изложба на графички листови од „Графичката работилница Софија – Богданци“ „Графичката работилница Софија – Богданци“ го претставува срцето на уметничкото движење кое, веќе 17 години, обединува млади графичари од Македонија и регионот. Иако на прв поглед можеби звучи како локален настан, оваа изложба во сите аспекти е успешна регионална приказна. Таа несомнено претставува обид да се одржи приматот на графиката како моќен и специфичен уметнички израз. Овогодишната главна сесија се одржа во периодот од крајот на август до почетокот на септември. Во учеството влегоа повеќе од 200 уметници од целиот регион. Истакнатите ментори беа искусни графичари и универзитетски професори од Македонија, Србија, Хрватска и Босна и Херцеговина. Целта на графичката работилница и на главната сесија беше да го поттикнат традиционалното создавање на графички израз. Учесниците имаа ретка можност да работат во сите традиционални техники, вклучувајќи ги високиот, длабокиот, рамниот и пропустениот печат. Ова претставува вистинска празнична заедница на графичари, каде искуствата и техниките се разменуваа во креативна и инспиративна околина. Изложбата ќе биде отворена за посетители до 13. февруари 2024 година, откако ќе имате можност да ги видите исцрпните и разновидните изрази на уметничките души што се вложени во овој процес. За повеќе информации и за следење на настанот, можете да го посетите Facebook-овиот евент на следниот линк: Facebook Event . претходно следно

независна релевантна култура

Гола планина колективот имаа настан пред платото на МКЦ. На социјалните мрежи кратко искоментираа "зборови не се потребни" - и ги приложија фотките на @___athanasiya___ Но и се заблагодарија и најавија дека возбудливи нешта допрва следат: "🎉🏔 Тоа e тоа за Гола Планина Takeover x Engage 2023! ✨🎵 Ви благодариме на сите што ни се придруживте! Заедно, создадовме магија и уште еднаш си докажавме зошто е битно да сме сите заедно! Гола Планина ова го гледа само како почеток на тоа што следи. Stay tuned!🏔"

независна релевантна култура

независна релевантна култура

Претстојниот „Викенд на гордоста – Скопје 2025“, под тематската рамка ЈУГОКВИР, свечено ќе биде отворен на 3 јуни во Музејот на современа уметност (МСУ). Програмата започнува во 20:30 часот со импресивната изложба „ПАНК. СУПКУЛТУРА. СОЦИЈАЛИЗАМ. АРХИВИ И ФОТОГРАФИЈА ОД СЛОВЕНИЈА“, која ќе биде проследена со симпозиум на тема „За квир културата, Балканот, Источна Европа и глобалните транс* побуни“ на 4 јуни. Големата архивска поставка во МСУ, курирана од филозофката и теоретичарка Марина Гржиниќ во соработка со Славчо Димитров, нуди ретка можност за домашната публика. Според кураторскиот текст, "со изложбата на сеопфатен начин се истражува пресекот на фотографијата и словенечкото панк-движење во периодот од 1977 година до средината на 1980-тите години, заедно со периодот што му претходел и што следувал по панкот." Ова е петто издание на изложбата, која по успешното отворање во Цанкарјев дом во Љубљана, патуваше низ Пфорцхајм, Грац/Лафелд и Нови Сад. Во Скопје, како што објаснува Гржиниќ, изложбата е "приспособена на просторниот капацитет на галеријата и фокусот на Коалицијата Маргини на нејзината сексуалност, супкултурата и перформативните аспекти." Посебен акцент е ставен на "супкултурните и алтернативните настани во Љубљана во текот на 1980-тите години, вклучително и појавата на ЛГБТ+ заедницата, подемот на групи каква што е Лајбах и други смели, субверзивни активности." Меѓу уметниците чии дела се изложени се Јанез Богатај, Јануш Чех, Божидар Доленц, Тоне Стојко, групата Релации / 25 години Лезбејска група ШКУЦ-LL и Игор Видмар. Кураторскиот текст понатаму ја нагласува улогата на фотографијата, наведувајќи дека таа "се претвори во суштински медиум за распространување на пораките на панкот за општествените и политичките прашања и понуди алтернативни перспективи и визуелно го долови етосот на времето." Се додава дека "панк-фотографијата често документира провокативни чинови и пркос кон конвенционалните норми." Словенечкиот панк, освен критика на системот, претставувал и "просоцијалистички бунт на работничката класа и на младите против општествената неправда, политичката апатија и економската криза." Целта на поставката е да се истакне "отпорот како политичка категорија што му се спротивставува на телото на политиката со политиката на телото." Изложбата е реализирана во соработка со Истражувачкиот центар при Словенечката академија на науките и уметностите (ЗРЦ САЗУ). Во Скопје, таа е организирана од Коалиција МАРГИНИ во рамки на Викендот на гордоста, во партнерство со МСУ и ЛГБТИ Центарот за поддршка, со дополнителна поддршка од ИЦ при САНУ, Љубљана, д-р Ото Лутар, како и од А.К.Т; од Пфорцхајм и уметничкиот директор Јануш Чех. Повеќе: Ревизија на идентитетите: Скопје го најавува фестивалот „Викенд на гордоста – Скопје 2025“ Програмата продолжува на 4 јуни во КСП Јадро, со почеток во 19:00 часот, каде ќе се одржи симпозиумот „За квир културата, Балканот, Источна Европа и глобалните транс* побуни“. На него ќе учествуваат истакнати автори, уметници и истражувачи како Марина Гржиниќ, Тјаша Канцлер, Весна Липоник, Јануш Чех и ДК од Словенија, Германија, Австрија и Шпанија. Тие ќе дискутираат за "историите и современите стратегии на отпор на ЛГБТ+, квир и транс заедниците во однос на државната моќ, доминантните наративи и глобалниот технокапитализам", со цел артикулирање на "радикални и деколонијални визии за идни побуни и политички заедништва." Фестивалот „Викенд на гордоста – Скопје 2025“ ќе трае од 3 до 14 јуни и ќе се одвива на повеќе локации, вклучувајќи ги МСУ Скопје, МКЦ, КСП Центар-Јадро и Театар Комедија. Организиран е од Коалиција МАРГИНИ – Скопје, во соработка со ЛГБТИ Центарот за поддршка и партнери како Тиииит! Инк., МСУ – Скопје, А.К.Т; од Пфорцхајм, и ЗРЦ САЗУ. Како што се наведува во соопштението, Скопје Прајд Викенд, Прво Па Женско и Перформанс Платформа го посветуваат јуни на современата и критичка перформанс уметност, "како гест на грижа, релациска, политички ангажирана уметничка практика и акт на демократизирана јавна имагинација." Целосната програма на настанот, како и постерот и зборникот на Викендот на гордоста - Скопје 2025 - ЈУГОКВИР, се достапни онлајн. Фестивалот е поддржан од Heinrich Böll Stiftung, Friedrich Ebert Stiftung, А.К.Т; и Global Fund for Women.

независна релевантна култура

независна релевантна култура