Резултати од пребарување

81-вите Златни Глобуси ја отворија сезоната на награди во Холивуд во неделата, на хаотичен и непригоден начин, со водителот, Jo Koy, кој испорача монолог кој беше вистинска катастрофа, a победниците изгледаа дека ја сфаќаат церемонијата наизменично прво премногу сериозно, па потоа воопшто, а наградите отидоа до широк спектар на филмови и телевизиски емисии. „Oppenheimer", кој влезе во натпреварот со осум номинации, се појави како филмот кој е најголем предизвик да се победи во идната трка за Оскар, освојувајќи пет Златни Глобуси, вклучувајќи за најдобра драма, режија на Christopher Nolan и актерска игра на Cillian Murphy. „Barbie", „The Holdovers" и "Poor Things" исто така освоија забележителни награди за филм. Еве ги и другите главни заклучоци: - Најноминираниот филм, „Barbie", кој доби номинации во девет категории, освои два Глобуси, вклучувајќи еден за најдобро кинематографско и бокс офис достигнување, ново креирана награда. Нејзината друга победа беше за најдобра песна. - HBO-вата "Succession" беше најголемиот победник во телевизијата, како што се очекуваше. Шоуто собра Глобуси за најдобра драма, актерка (Sarah Snook), актер (Kieran Culkin) и спореден актер (Matthew Macfadyen). - "Poor Things", надреална научно-фантастична романса, освои најдобар филм, комедија или музикал. Emma Stone, главната ѕвезда на филмот, доби Глобус за најдобра комична актерка, додека Paul Giamatti ("The Holdovers") ја доби статуетката за најдобар комичен актер. - Lily Gladstone го освои Глобусот за најдобра актерка во драма за нејзината улога во "Killers of the Flower Moon", станувајќи првата жена од домородна етнична припадност, која ја освои наградата. - Da’Vine Joy Randolph ("The Holdovers") беше почестена како најдобра споредна актерка. Robert Downey Jr. ("Oppenheimer") освои најдобар спореден актер. -Сериите на Netflix "Beef" и на FX "The Bear" секоја освои по три Златни глобуси. "Beef" беше прогласена за најдобра ограничена серија, а Али Вонг и Стивен Јеун ги освоија Златните глобуси за актерска игра во оваа серија. "The Bear" ја освои статуетката за најдобра комедија, а двајцата ѕвезди, Ајо Едебири и Џереми Ален Вајт, беа почестени за нивните актерски изведби. Ова беше прв пат што холивудската елита прославува заедно, откако се разрешија двајцата синдикатски штрајкови што ја затворија индустријата за поголем дел од минатата година. Глобусите сами се обидуваа да свртат нова страница со пребродување на скандал со етика, финансии и диверзитет што резултираше со продажба на шоуто, преработка на гласачкото тело и промена на мрежа на CBS од NBC. Некој заборави да им каже на актерите, што се случи со Hollywood Foreign Press Association. По распуштањето на (контроверзнато) тело коо доделуваше Златни Глобуси во минатото, повеќе од вечерашните победници уште им благодареа на HFPA во своите говори. Да’Вине Џој Рандолф ја започна ноќта со признание на распуштената организација откако победи за "The Holdovers", додека композиторот на "Oppenheimer", Лудвиг Горансон, успеа да им благодари на HFPA подоцна во ноќта. Се чини дека сега правилниот термин е "новинари на Златните Глобуси", откако шоуто го прошири своето гласачко тело на 300 новинари од целиот свет. Роберт Дауни Џуниор нè потсети на ова уште рано, кога ја прифати неговата награда за "Oppenheimer". "Новинари на Златните Глобуси, ви благодарам што ја променивте вашата игра, и затоа ги променивте вашите имиња - поздрав", рече тој. Креаторот на "Beef", Ли Сунг Џин, исто така изгледа дека беше известен, благодарејќи на новинарите на Глобусите во својот говор. Најлесниот пат? Само направете она што го направија Сара Снук од "Succession" и Пол Џамати од "The Holdovers" и неодредено благодарете на Златните Глобуси. Во последните години, Златните Глобуси станаа познати по говорите за каузи и обраќања на проблеми, поголемиот дел прогресивни. Минатата година, на церемонијата му беше дадено простор на украинскиот претседател, Володимир Зеленски, кој зборуваше за војната на неговата земја со Русија. Овој пат, и водителот и победниците изгледа беа решени да се држат подалеку од политиката, за важни теми како војната меѓу Израел и Хамас кои не беа споменати. Колку и да се менуваат Глобусите, сепак изгледа дека остануваат исти. Како и во минатото, гласачите ги распределуваа своите гласови на списоци на филмови кои беа обемни. Пет филмови освоија најмалку две статуетки. И, како и во минатото, имаше барем едно изненадување - оваа година во форма на најдобро сценарио, којшто го освои францускиот филм "Anatomy of a Fall", награда која се предвидуваше дека "Barbie" ќе ја земе.

Базата на податоци на уметнички стилови која се користи за обука на програмата за генеративна вештачка интелигенција (AI) на Midjourney добива критики на социјалните медиуми откако почна да циркулира онлајн крајот на минатата година. „Списокот на стилови на Midjourney“ содржи повеќе од 16.000 имиња на уметници, вклучувајќи ги и оние на проминентни живи фигури како Banksy, David Hockney, Yayoi Kusama, KAWS, и дури и шестгодишно дете кое во 2021 година создаде цртеж за хуманитарна акција на болница. Иако изгледа дека базата на податоци е направена недостапна, таа сè уште е видлива преку Internet Archive и судски документ поднесен во крајот на ноември 2023 година. Документот е дел од тековната колективна тужба против DeviantArt, Midjourney, Stability AI и Runway AI. Иницијално поднесена минатата година од страна на 10 визуелни уметници, тужбата ги обвинува компаниите за кршење на авторските права, бидејќи наводно ги користеле нивните дела без нивна дозвола за обука на AI. Midjourney сè уште не одговора на барањето за коментар на медиумите.Судските документи детално го опишуваат списокот кој првпат беше објавен на Discord сервер во февруари 2022 година од страна на извршниот директор на Midjourney, David Holz. Тој во пораките објаснува како имињата може да се користат како текстуални насоки за генерирање на слики. „Мислам дека сите има да збрлавите кога ќе ја видите оваа стилска карактеристика“, се вели во пораките на Discord кои му се припишуваат на Холц. „Треба да бидам јасен дека не се само жанрови. Тоа се и имиња на уметници. Тоа се претежно имиња на уметници. 4000 имиња на уметници, 1000 стилови“. На 31 декември, уметникот на Riot Games, Џон Лам, објави скриншотови од овој разговор на X, покажувајќи дека Холц и другите програмери на Midjourney разговараат за тоа како базата на податоци ја содржи работата на најмалку 4.700 индивидуални уметници. Според овие пораки, имињата на уметниците се собрани од Википедија и Magic the Gathering, игра со карти за онлајн тргување. Дополнителните скриншотови објавени од Лам понатаму покажуваат пораки што му се припишуваат на Бред Темплтон, предупредувајќи го Холц дека потенцијално ќе наиде на „проблем со авторски права“ со системите за обука за работа на вистински уметници. Други уметници со висок профил и нашироко познати, наведени во списокот вклучуваат Dan Flavin, Salvador Dalí, David Lynch, Anish Kapoor, Andy Warhol, Claude Monet, Cy Twombly, Damien Hirst, Frida Kahlo, the Guerrilla Girls, Joan Mitchell, Joan Miró, Marcel Duchamp, Richard Serra, Jean-Michel Basquiat и Shepard Fairey. Во прилог улиците на Скопје доколку би било видено од Климт, Хопер, Рембрант, Дали, Ван Гог...

Многу луѓе сонуваат да изградат трајно креативно наследство, кое ќе ги надживее и засекогаш ќе се втисне во аналите на човечката култура. Тие ретко ги земаат вo предвид недостатоците на таквата издржливост: моментот кога една ценета икона влегува во јавниот домен. Како што дрско коментираше Џон Оливер во април минатата година, оригиналниот лик на Мики Маус кој дебитираше во Пароброд Вили пред 95 години, тој  стана јавно добро. Како што самиот глушец знае да каже: „Oh boy!” Додека Оливер предничеше , тестирајќи ги адвокатите на Дизни во неговата епизода од април 2023 година (навидум без последици, како што беше забележано во неговата епизода на крајот на годината на 17 декември), сега кога портите се официјално отворени, остатокот од светот не губи време. „Не дека ликот не бил пародизиран порано - тој беше и е - но пародиите се заштитен говор“, напиша  полковникот Објезијана за The People’s Cube. „Ова е различно. Сега можете да ја користите оваа верзија на Мики Маус како ваше лого, или маскота, или да му дадете друго име и да го натерате да прави неискажливи работи или да го искористи својот имиџ користејќи го како пропагандна алатка“. „Но, зошто некој би направил такво нешто? додаде тој, пред да сподели слика на Мики Маус како лик од советски затворски чувар по име Гулаг Василиј. Навистина, зошто некој би направил такво нешто или би сакал да го направи Steamboat Willie со облини и како тверка? Мислам, покрај очигледното. Потоа, следува претстојниот Infestations Origins, повторување на играта Infestation 88 од Nightmare Forge Games која содржи наезда од глодари од поранешната сорта на Дизни. Како што известуваат од VICE, играта е проблематична на многу начини. Откако излезе во 1928 година, претпоставувам дека најдоброто што можеме да го кажеме овде е дека барем секој чии спомени од детството на Паробродот Вили би можеле легитимно да бидат уништени од ова културна присвојување, но веројатно веќе ги уништил со тоа што ја преживеал Втората светска војна. Или поради длабоко сомнителните вредности на самиот Волт Дизни - или силно критикуваните денешни донации на компанијата за Израел додека го продолжува својот напад врз Газа. Сепак, некои луѓе станаа едноставно обземани со егзистенцијален ужас поради Мики: Бриши Ghostface, ти веќе не си иконичната слика на современиот хорор. Сега, кога Мики е на сцената, тој е лидер на клубот што ќе те убие тебе и мене! Испадна трејлерот за тинејџерскиот слешер филм, кој се одигрува на карневал, „Самицата на Мики Маус“, чија цела премиса се врти околу опсесијата на убиецот со Steamboat Willie. Не само што овој филм зависи од смешната идеја дека секој сегашен тинејџер на Земјата има и најмала идеја кој е Steamboat Willie, туку трејлерот открива и залак од дијалог директно од оригиналниот филм Scream, на тема „Ќе се вратам одма!“ што значи смртна казна. Сега пазете! Scream е сè уште легално заштитен ! Режисерот Стивен ЛаМорте, авторот на хорор-пародијата на Гринч од 2022 година, The Mean One, треба да биде капетан на нова хорор-комедија, со „садистички глушец“ кој „ќе измачува група несомнени патници на траект“, според Bloody Disgusting. Да се надеваме дека ќе свирка застрашувачки пред да удри, само за да искористи што е можно повеќе од оригиналниот изворен материјал. И ако доцните на журката Steamboat Willie,без гајле - има уште најмалку десетина драгоцени икони од детството кои се упатуваат во јавниот домен во 2020-тите, вклучувајќи ги Бети Буп, Дракула и Франкенштајн од Universal, и секако омилената патка со проблеми со бесот, Пајо Паторот. Подгответе се со време!

Снешкото(1982) Снешкото првично беше илустрирана детска книга од 1978 година од Рејмонд Бригс, и е приказната без зборови што ја следи врската која се роди помеѓу момче и снешко кој оживеа, таа  беше адаптирана како краток филм за телевизија во 1982. Во режија на Дајан Џексон, која претходно работеше со продуцентот Џон Коутс со Битлси за Yellow submarine. Песната стана многу успешна, прво во Велика Британија, а потоа и во светот. Неговата адаптација за американското издание имаше вовед во живо од Дејвид Боуви, говорејќи како да е возрасната верзија на момчето во филмот. Бригс, којпочина минатата година на 88-годишна возраст, има импресивен опус на содржини поврзани со Божиќ, вклучувајќи го Татко Божик (1991),Мечката(1998), и продолжението од 2012 година Снешкото и Снежното куче. Интересно е што оригиналниот Снешко наративот нема никаква експлицитна врска со Божиќ, што го прави совршен за уживање и жива дебата за неговата природа како празничен филм.

од Бронтез Пјурнел; Бронтез Пјурнел  е американски писател, музичар, танчер и режисер со седиште во Оукленд, Калифорнија.  Тој е автор на неколку наградувани книги, меѓу кои и „Бидејќи го спуштив мојот товар“ (2017), „100 момчиња“ (2022), кој освои  книжевна награда Ламбда за геј фикција и панк зинот Fag School. Purnell е фронтмен на панк бендот The Younger Lovers  и е основач на Brontez Purnell Dance Company. Премногу долго време, женскиот рап делуваше како самоубиствен избор на кариера. Се чини дека општата формула беше: земи ги овие млади, храбри, убави, паметни и амбициозни поетеси-девојки, накани ги да рапуваат за најгрозните срања, и моментот кога работите за кои рапуваат почнуваат да го пресликуваат нивниот јавен живот, ги подложуваат на јавен атентат на личноста. Ги читаме коментарите, срцка. Кучките се длабоко нељубезни. Жените раперки не само што мораат да туркаат опасно перо, туку и да носат психички оклоп доволно дебел за да ја преживеат сопствената озлогласеност. Кога ќе ги земеме предвид опасно високите влогови кои се во игра, круната е навистина тешка, осветена и крвава за носење. Затоа, со големо внимание се испитува животот и кариерата на единствената Ники Минаж, родена како Оника Тања Мараж (Onika Tanya Maraj), ака Чун Ли, ака Роман Золански. Секоја онтолошка приказна на суперхероите започнува со противник. Сите го гледавме видеото на младата Оника на час по глума во ЛаГуардија каде толку е соживеана со сценариото што го фрла телефонот кон друга млада актерка со таква сила што наставничката мораше да интервенира. Но, можете точно да го посочите, следново : гладот во неа. Црна, од работничка класа и родена во САД, Минаж сигурно имаше неколку културни минуси кои работеа против неа, но и́  беше судено да направи кариера од уметноста. Кога се оценува уметничката личност, тешко е вистински да се одвои автентичното јас од конструираното. Но, може да се воочи дека, во основата, младата Оника беше обучена актерка која го правеше рапот нејзината драма, а Ники Минаж беше најголемата улога од цел еден ебан живот, смислена и прилагодена само за неа. На нејзиниот петти студиски албум, Pink Friday 2, објавен на почетокот во декември, Минаж нуди нешто што изгледа како тотем. Последната деценија, и триумфална и бурна, овде кулминира со албум кој е штедлив на гласни клупски хитови, но делува лирски, автобиографски, па дури и - се осмелувам да користам многу потентен термин - експериментален? Ако го разбереме Pink Friday, првиот, како сончевиот хороскопски знак, тогаш Pink Friday 2 делува како месечевиот знак: доколку првиот ги прикажува сите замки на славата, егото и енергијата, тогаш неговото продолжение открива дека Ники се занимава со работа од сенка: возраста, мудроста, ранливоста, па дури и некакво одучување. Записот повеќе изгледа како компилација, но важна за уметникот како Ники во нејзината фаза во кариерата. Јас го споредувам со Андре 3000 кој објави плоча за џез флејта минатиот месец; понекогаш на нашите идоли им е потребна привилегија да импровизираат и експериментираат. Pink Friday 2  се чувствува како личен дневник и жива книга со скици на понекогаш фрагментирани, но сепак моќни звучни записи. Традиционалните стихови на Ники се таму, но рамката е поместена. Можеби е дури и сосема стишана? Пред да го ислушам, критиката што најмногу ја слушнав за овој албум беше дека звучи како „современ рап за возрасни“(adult contemporary rap). Што ме извади од памет, затоа што, да си ибе, сега сме возрасни, и ебено фала му на Бога што преживеавме. Има една културна амнезија што се случува околу хип-хопот - ние кои сме постари од Gen-Z  се сеќаваат дека тој стана Греми категорија дури во нашето време. Тогаш, воздигнувањето на Ники во рап пантеонот се чинеше како државен удар. Во нејзината ДНК беше девојка со автентична рап моќ  која сепак имаше голем удел во пејзажот на поп музиката (се сеќавате на нејзината EDM соработка од левиот центар со Дејвид Гета ( David Guetta) ?). Се сеќаваме на начинот на кој таа исто така беше малтретирана поради тоа, но во ретроспектива мислам дека тоа беше игра на моќ. Ако таа не ја ставеше виолетовата перика и не ја отпееше „Girls Just Wanna Have Fun“, моќниците ќе ги пренасочеа тие пари на бела девојка. Секогаш оптимист, Ники рече:  “glue my muthafuckin’ wig down, I’m making this money.” ( „залепи ми ја ебената перика, правам пари“). Мотото?  “Act hood (i.e. locally), but think globally.” ( Дејствувајте маалски (т.е. локално), но размислувајте светски“). Вајбот е наместен на нејзиниот вообичаен стил - карипски вајб , на њујоршки начин - но би можеле да го рокнете албумот на Pacific Coast  автопатот, додека гледате контемплативно во брановите. Пружа отпор на фиксен локалитет, но скршнувам од темата. Во создавањето на персоната на Минаж, толку радосно создадена во пост-микстејп ерата на Ники, беше овој досега невиден интерсекциски спој на рап, поп и меѓународна денс музика, што сега е норма (сите Црни девојки  EDM-уваат деновиве,  но тоа е есеј за друг пат). Спој го ова со нејзината Ворхолијанска работна етика; Освен во сопствената дискографија, Минаж гостувала на 185 соработки, а нејзините стихови честопати се единственото незаборавно нешто во тие песни. Таа ни подари цел живот на клупски хитови, но, според нејзините зборови, „Кога веќе имаш победени, кој кур е трка?“ Ова е она што го прави Pink Friday 2  толкав раритет, можеби дури и историски. Она што го добиваме овде е едно од ретките и радикални размислувања на уметник кој нема многу што да изгуби, кој конечно е слободен да истражува други ноти. Дури и кога е најбавен, има нешто топло и имагинативно во резултатот. Ова е албумот кој го направи за себе и за своите обожаватели. „Adult contemporary“ звучи смешно, но сепак е зрел и софистициран. Албумот започнува со „Are You Gone Already“, многу емотивна песна, повеќе или помалку балада, и ода за двајца мажи, нејзиниот починат татко и новородениот син, кој како шлаг има и стих што е срцепарачки: You’ve already made peace with me / One day you’ll have to forgive Mommy(„Веќе сте се помири со мене / Еден ден ќе треба да и простиш на мама“). Толку е блиску до запис во личен дневник, што го поставува тонот на албумот. Како што Минаж сака да каже во нејзините Инстаграм лајвови: we gon get into some things.(ќе навлеземе во некои работи) „Needle“, со нејзиниот долгогодишен пријател Дрејк, изгледа како весел и забавен B-Side, дава карипски вајбови, како освежителната музика во наргиле баровите, што ја пуштаат пред затворање. Но, да се разбереме. Еден од моите лични фаворити на плочата, „Bham Bham“, ја прикажува Ники во режим на комплетно курчење на ѕверски начин: We don’t like them bitches, pussy tight and vicious, hit them likes to lick this („Не ги сакаме кучките,со тесни пичиња и крволочни, удри ги сакаат да лижат“) толку убаво се тркала од нејзиниот јазик, во нејзината препознатлива каденца, што е речиси враќање на нејзините микстејп денови. Но, тогаш, срањево стварно станува чудно. Две песни на албумот  колку што се возбудливи, толку се и збунувачки. Клупската „Everybody“ (семпл земен од Jr. Sr., електроклеш бенд со кој сум бил на турнеја во минатото) изгледа како да скокнала  од проклето нигде-никаде што е речиси како удар од позади  за сите кул клинци што се забавуваа во 2002 година. исто така го поставува тонот на „Last Time I Saw You“, водечкиот сингл што изгледа како електроклеш инди-поп песна од ерата на 00-тите. Тоа е навистина извонредно, и тоа е песната што ме натера да ја пуштам одново. Само времето ќе покаже каков ќе стане Pink Friday 2. Во однос на лозата, тоа е опуштена, но опсервациона понуда од уметник што нè воодушевува веќе две децении и конечно успеа да направи нешто по нејзин мерак. Има еден вид лична оправданост за тоа, како да е објавен љубовен плод. А ние, Барби фановите, љубезно го прифаќаме. извор: The Interview Magazine; фотографија: Torso;

„Duma in summa“објавува отворен повик за учество во третата работилница за креативно пишување, наречена „Неименувана“. Оваа петдневна авантура, која ќе се одржи во периодот од 16 до 23 јануари во дворецот Лабораториум, е посветена на млади луѓе во возраст од 15 до 19 години. Организаторите, компаратистките Ивана Смилевска и Марија Бошковска, ве покануваат да го испратите вашето изразување на креативност и пишување под нивното менторство. Работилницата "Неименувана" има за цел да ги истражи новите дигитални комуникации, да ги открие различните варијанти на познатите бајки и да ги претстави македонските хероини кои се бореле за промени во нашето општество. Оваа петдневна работилница, која ќе се одржи од 16 до 23 јануари ( 16, 17, 18, 22 и 23 јануари) , е отворена за сите млади од 15 до 19 години кои сакаат да ги прошират своите знаења и вештини во областа на креативното пишување. Она што ја прави работилницата особено интересна, е  гостинката во улога на менторка од Босна и Херцеговина, Хана Чурак, која ќе ја сподели својата експертиза како администраторка на феминистичката платформа "Sve su to vjeshticе". ПОВЕЌЕ: „Се́ се тоа вештерки “ зборуваат со Шејла Камериќ Сѐ се тоа домаќинки Женски проблеми: Домаќица Покрај тоа, учесниците ќе имаат можност да ги претстават своите авторски текстови во форма на текстуални инсталации, како дел од активистичка акција-атракција. Ова е одлична можност за сите креативни млади луѓе кои сакаат да се изразат преку своето пишување и да се вклучат во дискусии кои се однесуваат на актуелните прашања во нашето општество.Дојдете и раскажете ни ја вашата приказна, вашето "Си било еднаш...".За повеќе информации и за пријавување, посетете го овој линк. Во прилог ви го приложуваме соопштението за отворениот повик за пријавување на „Неименувана“ - работилница за креативно пишување со млади. Чујте и почујте! Волшебното царство на бајките од цел свет, мимовите, активизмот и не-толку-познатата македонска, женска историја е отворено. „Duma in summa“ го отвори повикот за учество во „Неименувана“ - работилница за креативно пишување со млади. Петдневната работилница ќе се одржи на 16, 17, 18, 22 и 23 јануари, а наменета е за млади од 15 до 19 години. Локацијата на работилницата е во дворецот Лабораториум, а од „Duma in suma“ велат дека наместо гласник, праќаат формулар до млади кои сакаат да се пријават на работилницата под менторство на компаратистките Ивана Смилевска и Марија Бошковска. „Ако правиш пиши-бриши, кликаш и сликаш, пишуваш и си главна/главен со мимови во чет-групите, оваа работилница ќе ги прошири твоите знаења за новите дигитални комуникации, а воедно ќе те запознае со потеклото и варијантите на бајките кои се развивале и прилагодувале низ различни времиња и култури“, се вели во повикот. Од неформалното здружение за култура истакнуваат дека на работилницата ќе се анализира поврзаноста меѓу Заспаната убавица и Цепенков, потеклото на Пепелашка, а ќе може да се слушнат и историите на македонски хероини кои со својот пркос придонеле кон едукативен, ослободителен и емпатичен развој во локален контекст. Оттаму додаваат дека низ петте денови на работилницата ќе се буричка низ литературната светска и домашна историја и низ ќошињата на интернетот, барајќи ги сличностите и различностите на женското искуство преку фолклорните приказни и неименуваните автор(к)и на мимови и интернет содржина. „Во тоа ќе ни помогне и нашата гостинка менторка од Босна и Херцеговина - Хана Чурак, администраторката на феминистичката платформа „Sve su to vjeshticе“, со која ќе одржиме онлајн предавање и ќе направиме и по некој мим, bona“, велат од „Duma in summa“. Знаењата и думите собрани на работилницата ќе бидат сумирани во креативна пракса и авторски текстови, па дојди и раскажи ни го твоето „Си било еднаш...“. Авторските текстови ќе бидат „извезени“ на текстуални инсталации во склоп на активистичка акција-атракција.

ОД МАРК ЛЕЈСИ; Њујорк тајмс; Во текот на изминатава година имаше многу страдања пред утрото на 7 октомври. Војната во Украина продолжи да беснее. Шумски пожар го зафати историскиот град на Хаваите, а земјата силно се тресеше во Турција. Масовните пукања одземаа живот по живот. Потоа, на 7 октомври, вооружени лица на Хамас упаднаа преку границата на Газа во Израел. И Израел возврати со сила низ Газа. Страдањето низ светот изгледаше како никогаш да нема да заврши. Секоја година нашите фото-уредници се обидуваат да го доловат најдоброто фоторепортерство во една интензивна презентација. Годината во слики е начин да се одбележат големите вести од јануари до декември: оние што нè трауматизираа - а има многу такви - помешани со некои моменти на блаженство. Во таа категорија на блаженство, земете ја прославата на 13-тиот роденден на една млада девојка, која вклучуваше вресок, занесна ноќ на музика и танц со Тејлор Свифт. Сликата на девојката, Габи Џонс, дотерана како Свифти (фанови на Тејлор Свифт) пред големото шоу во Јужна Калифорнија, ја покажува  како е озарена од среќа зад протезите, како да е се́ во ред со светот. Ние, се разбира, знаеме дека е поинаку. Друга млада Свифти беше фотографирана додека пее и танцува - додека е сама на гробот на еден од пријателите што ги загуби минатата година во масовно пукање во нејзиното основно училиште во Увалде, Тексас. Годините се такви: ужасот може да се помеша со екстаза на невозможни начини. Така, ќе најдете слики овде - собрани од двајца уредници на фотографии, Џефри Хенсон Скејлс и Танер Кертис - од војната и модата. Уништен шумски пожар и ден поминат играјќи во сурфање. Чад се извива од железничка несреќа и ултрафенси бал на матурантки. Воени судири и тениската шампионка Коко Гауф, легната на теренот по победата на Отвореното првенство на САД. Толку многу деца, за жал, нема да ја видат 2024 година, а да не зборуваме пак, концертот од нивните соништа. Нивните животи завршија кога нивните домови и училници се претворија во боишта или зони на катастрофа. Има потресна слика од Газа, направена од Самар Абу Елуф, на која се гледа труп на палестинско бебе по име Миск завиткано во бела ткаенина пред мртовечница. Таа лежи покрај роднините кои беа убиени во израелски напад врз Газа. Се гледа крвавото лице на девојчето. Нејзиниот преживеан брат е сам, очаен како жена погодена од тага на друга фотографија од г-ѓа Абу Елуф: Таа жена е сликана како тагува по роднина во вреќа за мртовци. Сликите собрани овде, како почит на храбрите фотографи кои се обидоа да ги направат, не́ потсетуваат дека имаше толку многу солзи во 2023 година. Има незаборавна слика на момче со своите мали раце преку очите во подрумот на неговиот дом во Киев, Украина, каде што тој и неговата мајка бараа засолниште откако се огласи алармот за воздушен напад. Друга мала рака е притисната до прозорецот од училишниот автобус во Нешвил додека вознемирено дете заминува од училиштето Ковенант, каде што вооружен маж штотуку искосел три нејзини соученички. Нешто од она што се смета за радост оваа година е вкоренето во темнината. Има моќна фотографија на Тамир Калифа од израелско семејство собрано заедно во мака додека чекаат информации за судбината на двајцата браќа и сестри земени како заложници од Хамас на тој ден во октомври. Изразите се воодушевувачки. А потоа следи слика кон крајот на овој пакет, направена по краткиот прекин на огнот во регионот: младите заложници, ослободени од заробеништво и на пат кон дома, нивните животи сè уште се пред нив. Целата галерија можете да ја најдете овде на Галерија на неделата.

Здраво на сите вљубеници во градинарството! Денес, ќе зборуваме за еден од најпопуларните празнични цвеќиња - poinsettia или популарно позната како  Божиќната ѕвезда. Божиќната ѕвезда е автохтона на Мексико и е позната по нејзините бројни црвни цветови кои се појавуваат во зимскиот период. Но, како да го одржуваме ова прекрасно растение и како да го охрабриме да цвета? Poinsettia, Euphorbia pulcherrima, е атрактивно домашно растение со темнозелени листови и лиснато црвени, розеви, бели, бракти кои ги опкружуваат зелено-жолтите цветови во декември и јануари. Тие најчесто се користат за украсување на домот за Божиќ. Поенсетиите, кои потекнуваат од Мексико, можат да бидат незгодни да се одржување во живот после Божиќ, а повеќето од нив се фрлаат откако ќе избледат црвените бракти и кога ќе завршат веселбите. Сепак, со малку грижа и внимание, можно е да ја одржите вашата Божиќна ѕвезда жива во текот на годината, па дури и да ги поттикнете црвените бракти и цветови да се формираат на време за следниот Божиќ. Како да се израсне Божиќната ѕвезда Растете ја на место без провев со силна, индиректна светлина и температура од околу 13-15°C. Полевајте ја ретко, обично кога површината на компостот почнала да се суши. Редовно попрскувајте ги листовите и гранките за да ја зголемите влажноста и да ги одржувате шарените бракти подолго време да изгледаат што подобро. По Божиќ, хранете ја вашата ѕвезда месечно со течно ѓубриво со висока содржина на калиум, како што е храна со домати. Ја купивте во продавница или супермаркет? Ако ја купувате вашата божиќна ѕвезда од градинарски центар или супермаркет, погрижете се да е во добра состојба и да нема лисја кои венеат, бидејќи тоа може да биде знак дека се чувале во премногу ладни услови. Избегнувајте да купувате ѕвезди што се изложени во близина на врата или дури и на касата на бензинска пумпа - тие едноставно нема да траат. Погрижете се да биде добро заштитена при патувањето кон дома, проверете дали нејзините нежни листови не се изложени на ниски температури - замолете го продавачот да го завитка или да го покрие во пластична кеса ако ви треба. Не оставајте ја вашата ѕвезда во автомобилот подолго отколку што е апсолутно неопходно бидејќи температурите може брзо да се спуштат и вашето цвеќе да настрада. Локација и светлина Божиќната ѕвезда сака светлина. Затоа, поставете го вашето цвеќе на место каде што ќе добива многу индиректна светлина. . Поинсетиите најдобро функционираат кога се ставени на силна, дифузна сончева светлина, затоа поставете го вашето растение во близина на сончев прозорец каде што ќе добива најмалку шест до осум часа индиректна светлина дневно. Бидете свесни дека изложувањето на директна сончева светлина може да ги изгори брактите и лисјата посебно лете..Ставете ја вашата божиќна ѕвезда на светло место без провев подалеку од прозорци, каде што температурите може значително да се намалат во текот на ноќта, и од вратите и прозорците кои може да направат провев. Температура Ова растение предпочита топли температури, околу 20-22 степениЦелзиусови преку денот а навечер околу 16-18 градуси Целзиусови. Наводнување Божиќната ѕвезда не сака премногу вода. Наводнувајте ја само кога горниот слој на почвата ќе биде сува на допир. Избегнувајте налевање, бидејќи корените може да се изгнијат.  Засилете го заливањето кога цвета, но внимавајте да избегнувате стоечка вода. Влага и Влажност: Критични Аспекти Божиќната ѕвезда ја сака влагата, па редовно прскајте ја со вода, особено во сувите зимски месеци. Но, избегнувајте стојечка вода околу листовите, бидејќи тоа може предизвика гниење. Цветање За да промовирате цветање, треба да го оставите вашето растение на најмалку 14 часа на темнина во период од околу 6 недели, почнувајќи во октомври. Ова ја подражува природната околина на Божиќната ѕвезда и ја поттикнува да произведува цветови. Како да ја подготвите божиќната ѕвезда за догодина да цвета повторно? Не е лесно да ја натерате вашата божиќна ѕвезда да цвета повторно, но ако сте подготвени за предизвик, внимателно следете ги овие упатства: По Божиќ, почнете да ја храните вашата ѕвезда со течна растителна прихрана која е богата со калиум, како што е храната со домати. Во април, искастрете ја на околу 10 см и чувајте ја на температура од 13°C. На почетокот на мај, сместете ја вашата поинсетија во малку поголем сад со свеж компост од кирпич, без тресет, а потоа чувајте ја на место без промаја, подалеку од директна сончева светлина, осигурувајќи се дека температурата не надминува 18ºC. Поинсетиите развиваат цвеќиња и разнобојни бракти кога се намалува должината на денот. Ова се случува природно во декември, но за да го поттикнете цветањето до Божиќ, ќе треба да го имитирате краткото времетраење на денот со преместување на вашата ѕвезда во темен шкаф 12 часа секој ден, од ноември. Одржувајте рамномерна температура од околу 18ºC и погрижете се да не биде изложена на вештачка светлина во ова време. Откако вашата божиќна ѕвезда ќе почне да цвета, прскајте ја со водени капки секојдневно остава за да изгледа најдобро што е можно подолго. Подгответе ја за периодот на одмор: Малку темница нема да штети По завршувањето на периодот на цветање, подгответе ја Божиќната ѕвезда за период на одмор. Смаетајте дека треба да биде покриена, со намалена количина светло и на малку поладно. Ова ќе и помогне да се подготви за следната сезона на цветање. Правилно размножување: Доколку сакате да ја размножите вашата поинсетија, тоа е можно со семе или резанки. Семето се собира од цветната глава, а резанките се сечат во раната пролет. И двата методи изискуваат внимателност и нежност за успешен процес. Се надевам дека овие совети ќе ви помогнат да го одржувате вашето растение здраво и среќно. Божиќната ѕвезда е прекрасен додаток кон вашиот дом и со правилна грижа, ќе ви носи радост сè до следната празнична сезона. Среќно  градинарство! Како да се справувате со проблемите на ова прекрасно цвеќе? Најчестиот проблем при одгледување на божиќните ѕвезди е тоа што лисјата венат и паѓаат. Ова е знак на студени услови. Запомнете, поинсетиите се од Мексико и треба да се чуваат на минимална температура од 13ºC и ниту степен помалку, подалеку од провев (вклучувајќи блиску до врати, камини или единечни прозорци). За жал, некои поинсетии се чуваат во лоши услови во продавниците или во градините, а листовите почнуваат да венеат кога ќе ги вратите дома. За жал, нема многу што можете да направите за вашата ѕвезда во оваа фаза. Секогаш купувајте ја вашата поинсетија од реномиран добавувач и не заборавајте да ја заштитите од студени услови на патувањето кон дома. Други проблеми, како што е сивата мувла, може да произлезат од прекумерно наводнување. Погрижете се да ја наводнувате ѕвездата само кога површината на компостот е сува и редовно попрскувајте ги листовите за да ја одржувате влажноста околу растението. Совети за купување Погрижете се вашата ѕвезда да е во добра состојба и да не венеат листовите, бидејќи венењето на листовите може да биде знак дека се складирани во премногу ладни услови Избегнувајте да купувате поинсетии што се изложени во близина на врата - тие едноставно нема да траат Побарајте од продавачот да ви ја завитка или да ја покрие во пластична кеса за да ја заштити на пат кон дома.

Уметноста отсекогаш била моќна алатка за општествени и политички промени, начин за изразување на мислите и чувствата за светот. Но, што се случува кога овој израз ќе ги надмине традиционалните граници на галерија или музеј? Го имаме герила-артивизмот, уникатен спој на уметност и активизам кој се појави помалку срамежливо на улиците на Скопје. Терминот „герила-артивизам“ се однесува на употребата на креативни медиуми за промовирање на општествени или политички пораки. Тоа е уметност што се појавува неочекувано на јавни места, со цел да предизвика и да поттикне разговори во заедницата. Во Скопје, група урбани активисти барем зимава, ја предводат оваа револуција.Нивниот последен проект? Десет минијатурни куќички за мачки но најверојатно кучиња скитници, одличен божиќен подарок за кучињата кои шетаат по улиците на скопските населби. Овие куќички се повеќе од само засолништа; тие се изјава за односот на градот кон бездомните животни, повик за сочувство и грижа.Во текот на денот овие мини куќи ќе бидат поставени на различни локации низ Скопје. Тие се визуелен потсетник дека Скопје може да биде убав град, не само за неговите човечки жители, туку и за неговата животинска популација. Соочени со општествените и политичките предизвици, герила-артивизмот им нуди глас на оние кои можеби се чувствуваат нечуено и да инспирира промени. А во Скопје таа промена се случува токму сега, улица по една.Затоа, следниот пат кога ќе шетате по скопските улици, внимавајте на овие мали дела на артивизам. Тие се доказ за моќта на креативноста и потсетник дека секој има улога и моќ да го направи Скопје убав град.

од Џон Парелес (JON PARELES) за Њујорк Тајмс; Албумот можеби е загрозен вид; луѓето веќе децении велат дека е така, иако формата се опира на исчезнување. Меѓутоа, песните цветаат,без разлика дали се предодредени за албуми или не, и се сè пофлексибилни. Некои ги одржуваат поп конвенциите на стих-рефрен-стих; други се дестилираат до куки таман како за TikTok или се шират низ дигитални временски рамки. Еве 10 од моите омилени песни за 2023 година - помалку рангирање, а повеќе плејлиста, почит кон творечкото изобилие. 1. Allison Russell, ‘Eve Was Black’ Мелодијата може да биде песна за тапкање со нозе во стилот на Апалачи. Но насловот, бруталната и неоспорна изјава, ја води Алисон Расел кон груби мисли за расизмот, ропството, експлоатацијата, линчувањето и гревот - и тогаш до неочекуван крај.2. Peter Gabriel, ‘Road to Joy (Bright-Side Mix)’ Како и многу песни на Питер Габриел, оваа има сценарио. Нараторот се буди од кома во преоптоварување од сензорни искуства, враќајќи се „назад во светот“; музиката е фанк карневал кој продолжува да додава еуфорични слоеви. 3. 100 gecs, ‘Dumbest Girl Alive’ Ниеден бенд не оди по „тенката линија меѓу паметно и глупо“ како дуото 100 gecs. "Најглупата девојка на светот" има примални удари како ритам, гитарски риф кој шеговито скокнува околу инструментите, и филтрирани хиперпоп вокали со стихови од 21-от век како „стави емотикони на мојот гроб“ - токму тоа што треба за сосема знаечка, сосема мета забава. 4. Sampha, ‘Suspended’ Самфа собира идеи од R&B, класичниот минимализам, растреперен хиперпоп и повеќе околу андрогината меланхолија на неговиот глас. Тој привикува восхитен занес и потребата што ја остава зад себе во „Suspended“, три минутна вртоглавица од неговиот албум „Lahai“. 5. The Rolling Stones featuring Lady Gaga and Stevie Wonder, 'Sweet Sounds of Heaven' Врвот на повратничкиот албум на Rolling Stones „Hackney Diamonds“ е коктел на сите ѕвезди кој  звучи како сирова студиска импровизација. Мик Џегер Мик Џегер ја возвишува славата на музиката и песната се искачува до голема, госпел завршница,со Џагер и Lady Gaga кои се накануваат еден со друг да се распеат повеќе. Кога ќе завршат, тие доаѓаат до здив, но не сакаат да престанат - и песната се изградува уште повисоко.6. Yahritza y Su Esencia и Grupo Frontera, 'Frágil'Две мексиканско-американски групи - од државата Вашингтон и Тексас - се обединуваат за „Frágil“, жалба на кумбија за партнер кој нема срце. Додека мажите во Grupo Frontera звучат млако апологетски, Yahritza Martinez пее како да може да и експлодира срцето во секој момент .7. Baby Rose, 'Stop the Bleeding' Со својот низок, трепетлив, стаписувачки глас, Baby Rose пее за љубовта како самосаботажа, обидувајќи се да се ослободи додека оркестарот го потцртува нејзиниот очај. 8. Bizarrap & Shakira, 'BZRP Music Sessions #53' Во една од промислените соработки на Shakira во 2023 година - другите беа со Karol G и регионалниот мексикански бенд Fuerza Regida - таа го ангажираше аргентинскиот производител на електро хитови Bizarrap за да се освети на нејзиниот поранешен сопруг, со намерачена игра на зборови и рефрен кој осудува „типови како тебе“. 9. Killer Mike featuring Future, André 3000 и Eryn Allen Kane, 'Scientists & Engineers' Во песна која се движи од електро до гитарска балада до излети во госпел, Killer Mike ги свикува колегите, атлантските рапери - плодниот Future и елузивниот André 3000 - за да ги адресираат уметноста, амбициите, луксузот, упорноста и расчистување со долговите,  кулминирајќи со маратонски стих од самиот Killer Mike. 10. Brittany Howard, 'What Now' Нарушени, искривени, расцепкани хард фанк пулсирања околу Британи Хауард додека таа ги средува сите спротивставени импулси на раскинувањето: преземање на вина и избувнување, чувствување жал и олеснување, желба да остане и знаењето дека треба да си оди. 11. Jorja Smith, 'Try Me' Повредена, дефанзивна Jorja Smith се соочува со некого кој ја потценил, во песна која се развива од ѕвонлива, перкусивна одбрана до оркестрална контемплација.

Британскиот уличен уметник Банкси стана жртва на кражба на свое ново антивоено  дело во Лондон, и тоа само еден час откако го објави на Instagram  на 22 декември. Видео записи што кружат на интернет покажуваат двајца мажи кои го отстрануваат делото: стоп знак на кој Банкси нацртал три авиони што се слични на американските беспилотни летала MQ-9 Reaper, неодамна забележани над Газа. Сведоците на сцената се слушаат како шепотат "О, мој Боже" и " толку многу сум изнервирана", додека мажот бега од местото на настанот со уметничкото дело во раце. Банкси ги претстави истите авиони во уметничко дело од 2017 година насловено "Civilian Drone Strike", во кое беспилотните летала летаат над рамката на детски цртеж на девојче со нејзиното милениче што сведочи на бомбардирање на куќа. Делото беше изложено на Art the Arms Fair, настан организиран од уметници и активисти за да протестираат против саемот на оружје во Лондон. Во меѓувреме, хотелот Walled Off Hotel во палестинскиот град Витлеем во Западниот брег, кој е дизајниран од Банкси, е затворен од 12 октомври, поради ескалацијата во регионот. Уметникот исто така нацрта мурал во Газа, чија судбина сè уште е непозната.

Се надеваме дека овие фотографии ќе придонесат кон напуштање на навиката 25-ти декември да се нарекува „католички Божиќ“